Angel Cordero dirixe este documental que narra a vida de Pedrón, veciño do lugar de Vilar, da parroquia Pontesa de Freixo que convive soamente cos seus cans, gatos e galiñas. Pedrón é un exemplo dunha vida dura e pura, e así se transmite neste documental.
Fernando Olmedo dirixe este documental que repasa a vida de Carla Antonelli, unha das máis destacadas activistas que loitan pola igualdade en España e referente nacional e internacional do colectivo LGTB.
Trinta e dous anos despois de deixar a súa terra natal, Tenerife, Carla volve ao seu pobo despois de ter conseguido unha existencia acorde á súa identidade e xénero. Durante o documental, e o debate posterior, a actriz e activista fará balance do camiño percorrido.
A Biblioteca Pública da Coruña Miguel González Garcés organiza un pase de Entrar aos Vilares, que forma parte do proxecto "Os Vilares, lareira de soños". Este documental é o resultado da tentativa de explicar un lugar partindo de cero, comprender o que é a parroquia dos Vilares -terra natal do poeta Xosé María Díaz Castro- e o que significa para a xente que vive alí. Está dirixido por Cibrán Tenreiro.
Data: 18 de xaneiro, ás 19:00 horas
Lugar: Salón de actos
A partida conta a historia de catro homes e dúas mulleres aparentemente descoñecidas entre si que coinciden nunha partida clandestina de póker na procura dunha oportunidade para refacer as súas vidas. A través de flashbacks irase coñecendo o pasado dos protagonistas, para saber como acabaron nesa situación e facilitando a comprensión do seu proceder segundo se vai desenvolvendo o xogo.
O cineasta de Xove estará o próximo xoves día 20 de decembro nos Codex Cinema para presentar a súa prestixiosa longa Trote, que representou a Galicia nos festivais internacionais de Locarno e Donostia. Tras a presentación, haberá unha proxección do filme.
Durante os días 26 e 27 de xaneiro de 2019, o Museo Centro Gaiás ofrecerá unha escolma das mellores producións internacionais actuais para a audiencia infantil no festival Pequefilmes. Moitas delas foron premiadas e seleccionadas nos festivais de cinema infantil, xuvenil e de animación máis importantes do mundo (Annecy, Chicago ICFF, Animamundi, Animafest, Dresdner Kinderfilfest...).
O festival contra con tres seccións que abarcan todas as etapas da infancia: Vagalumes (dirixida a nenos e nenas de 0 a 3 anos), Miñocas (+4 anos) e Fanecas (+8 anos).
O Cineclube Lumière organiza durante o mes de decembro o ciclo As conversas pendentes, que analiza aquelas circunstancias nas que hai que dar unha resposta inmediata aínda que non se sexa quen de atopar que facer. O ciclo é o derradeiro do 2018.
O reposteiro de Berlín: 3 de decembro
Un home mellor: 10 de decembro
Película sorpresa: 17 de decembro
As proxeccións son no Auditorio Municipal do Concello na Praza do Rei.
O último día do festival, a película gañadora do OUFF 2018 será proxectada no Teatro Principal de Ourense
Esta película, proxectada dentro do OUFF 2018, conta a historia dunha familia que está ao momento do crebe. O pai decidiu botar á súa muller porque é adicta ao xogo, a prometida do fillo maior xa non quere casar con el, e o fillo menor cre que ten a solución para arranxar á súa familia. Un accidente faralles reformularse as súas decisións, xa que un deles, segundo os médicos, non pasará nin da noite.
Esta película, proxectada dentro do OUFF 2018, conta a historia de Paco, un corentón solteiro empedernido que, na plenitude da súa vida, consegue o seu soño infantil: traballar desde casa e en pixama. Pero cando cría atopar a máxima felicidade, irrompe na súa vida Jilguero, a moza da que namora e que terá que loitar por permanecer á beira dun home cuxo máximo obxectivo vital é quedarse na casa en pixama.
