Outras actividades

Tras o gran éxito de organización, estamos a reunir novos equipos INTERNACIONAIS cos que poderás competir xunto a grandes mestres do xadrez actual.

Só necesitas unha conta gratuíta en lichess.org  e reunir aos teus compañeiros de club para presentar un equipo. Se coñeces outro club que lle poida interesar, envíalles a ligazón do evento ou o link á nosa web!

Horas do torneo:

-Primeira fase SÁBADO 18 de 20:00-21:30
-Segunda fase DOMINGO 19 de 16:00-17:00
-Gran final DOMINGO 19 de 19:45-21:00

A Biblioteca Pública da Coruña Miguel González Garcés, pon en marcha o concurso "Encriptados de ida e volta" con motivo da celebración do Día do Libro 2020. 

Trátase dun concurso en dúas fases, que se desenvolverá a través das redes sociais, no que todo aquel que o desexe poderá participar do seguinte xeito:

Convócase o I Premio de oratoria "Filomena Dato" para alumnado dos diferentes ciclos do ensino obrigatorio e para centros públicos ou privados de Galicia e do exterior, coa intención de promover a expresividade e a expresión –poética, narrativa e discurso– do idioma galego e o feminismo. Este galardón quere, así mesmo, render homenaxe á “poeta das Mariñas”, un dos escasos referentes da literatura feminina e feminista do s. XIX e a segunda escritora, despois de Rosalía, que publicaría un libro en galego nese século. O tema deste ano é a "sororidade".

Comparte un momento de lectura en tempos de corentena, un libro pode facer que che pareza máis curta

Elixe un libro, o teu lugar favorito da casa e le…. E se o desexas... podes compartir o teu momento connosco, coa túa biblioteca, coa Biblioteca Pública de Pontevedra.

Envíanos unha foto e cando volvas á biblioteca atoparás un gran póster no que reuniremos todos eses momentos compartidos de lectura.

Podes enviarnos as túas fotos a través de:

Proposta de traballo escolar sobre a memoria oral do proxecto Fálame da emigración. A emigración está presente en moitas familias de Galicia. Esta guía ayudaráche a investigar no teu pasado familiar e coñecer a túa propia historia familiar, entrevista ás persoas maiores da túa familia e investiga sobre a súa experiencia na emigración. Aprenderás a usar o método biográfico e a entrevista en profundidade nas ciencias sociais.

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Para seguir gozando dos libros propoñemos unha listaxe de libros de literatura infantil e xuvenil de GaliciaLe que obtiveron premios, premede na ligazón de arriba.

Pintamos un conto?

Para celebrar o 2 de abril, Día do Libro Infantil, desde a Biblioteca Pública de Pontevedra queremos propoñer aos máis pequenos da casa que nos debuxedes unha personaxe do voso conto favorito e nola enviedes durante todo o mes de abril ao noso correo electrónico:

biblio.publica.pontevedra@xunta.gal

Poñede os seguintes datos:

- Título do conto

- Personaxe elixida

- Nome, apelidos e idade

Hoxe, como cada 2 de abril desde 1967, celebramos o Día do Libro Infantil para fomentar a lectura entre os máis pequenos.

Elixiuse este día en homenaxe ao escritor danés Hans Christian Andersen que naceu un 2 de abril de 1805.

Este ano o cartel e a mensaxe conmemorativa para difundir a todos os nenos do mundo realizárono en Eslovenia; a mensaxe é de Peter Svetina e o cartel de Damijan Stepančič.

FAME DE PALABRAS

O día 1 de abril festexamos o Día das Artes Galegas.

Este ano 2020 a Real Academia Galega de Belas Artes decidiu homenaxear ao arquitecto barroco Domingo de Andrade.

No Museo Das Peregrinacións e de Santiago contamos cunha das panorámicas máis privilexiadas dunha das súas obras mestras na cidade: a torre do reloxo (1680).

A medida que ascendemos polas plantas do Museo descóbrese, a través do lucernario, a monumental torre de Andrade que segue deixando sorprendidos aos nosos visitantes.

Feliz Día das Artes Galegas!!
#aculturasegue

Coa ocasión do Día Internacional do Libro Infantil e Xuvenil (DILI), a Asociación Galega do Libro Infantil e Xuvenil (GÁLIX) convoca o concurso «Un poema na túa voz» co fin de incentivar a lectura do xénero poético en galego entre a rapazada, promover e defender a potencialidade expresiva da poesía en voz alta e contribuír á divulgación da creación poética de autoras e autores galegos.