Dende o Concello da Guarda anímase á poboación guardesa a participar nesta actividade na que se recollerán residuos na Praia do Muíño, organizada pola Deputación de Pontevedra xunto con SEO/BirdLife este vindeiro sábado día 11 de xuño na praia do Muiño as 10:00h da mañá e que terá unha duración aproximada dunhas 2 horas.
Dentro das actividades prgramadas este mes na cidade contamos este sábado cun faladoiro sobre o tratamento informativo do colectivo LGTBI+ nos medios, organizado pola asociación Avante LGTB+ Ourense.
O sábado 4 de xuño a Cidade da Cultura volve acoller unha nova edición, a cuarta (a última celebrouse no 2019) da Holi Gaiás, unha carreira lúdica, de carácter familiar e festivo na que, ademais das ganas de facer unha actividade deportiva, tamén cómpre vir con ánimo de pasalo ben ao son da música e con alegría para fozarse coa poeira de cores. A proba, que consta de 5 kilómetros aproximadamente nas inmediacións da Cidade da Cultura, conta con dúas categorías, a infantil e a de persoas adultas.
+ INFO
A Libraría Couceiro acolle a presentación do libro Por la magia del camino, de Silvina Potenza, unha "historia de vida atravesada pola maxia xacobea"
Os Clubs de Lectura da Biblioteca reúnense co ourensán Diego Ameixeiras para falar con él sobre o seu último libro "O Cervo e a sombra" publicado por Xerais e recentemente galardoado co Premio Nacional da Crítica .
Aberto ao público en xeral para asisitir só hai que chamar aos números de teléfono : 988 788385 / 386
A foliada regresa á Cidade da Cultura co Serán’03! Entre o 10 e o 12 de xuño, o III Encontro Galego de Cultura Popular encherá o Gaiás de baile e música cunhas protagonistas de excepción: as pandeireteiras. Hoxe en día é imposible entender a música galega sen a figura das pandeireteiras e o Serán’03 congregará a un milleiro de artistas e intérpretes arredor dun dos instrumentos fundamentais do noso folclore.
Desafío Boot Camp é un dos maiores eventos deportivos e de lecer do Norte de España e Portugal. É unha carreira de obstáculos onde os corredores debían superar uns 30 obstáculos nun percorrido de 6-7 km.
Ano a ano o proxecto foi crecendo, incluíndo novas actividades deportivas e de lecer. De feito, actualmente a organización ten en marcha un proxecto con dous obxectivos diferentes:
? Deportivo: a carreira de obstáculos Desafío Boot Camp como referente deportivo de Noroeste de España e Norte de Portugal.
Neste libro explícase como funciona o Planeta e por que os eructos e os peidos das vacas contribúen ao cambio climático. Vai ser un libro pesimista deses nos que todo o que coñecemos vai desaparecer, imos morrer torrados e non hai solución? Bo, falamos das consecuencias do fenómeno pero tamén damos instrucións sobre como activar o SUPERPODER para frear o cambio climático. E quen ten ese SUPERPODER? Pois todas as persoas que consumimos.
Para público familiar con nenas e nenos a partir de 8-10 anos.
Entrada de balde. Sala infantil.
A Marcha Solidaria 700 Camisetas contra a Leucemia é unha iniciativa solidaria que se iniciou no ano 2010 e que simboliza a primeira etapa que David Gil realizou no ano 2009 e que formaba parte de 10 etapas percorrendo Galicia coa intención de entregar 700 camisetas, que irían destinadas ás persoas que a partir dese momento formasen parte do rexistro de doantes de medula ósea na nosa Comunidade. De aí xurdiu o movemento en Facebook 700 camisetas contra a Leucemia que a día de hoxe seguen case 18095 persoas en todo o Mundo.
Concello de Nigrán, seguros S4 e Noko360 ofrecen este domingo 28 de Maio a VI "Nocturna Nigrán S4” con record de inscritos ao superar xa a barreira dos 500 corredores. As inscricións permanecen abertas ata o mércores 25 de maio ás 23:59 horas e pódense realizar a través desta ligazón: https://bit.ly/3qa7cMT
