Visita guiada temática: "Educación sen límites"
Visita guiada temática á exposición permanente do museo. O percorrido estará centrado en exemplos de iniciativas e innovacións que, ao longo da historia da educación en Galicia, permitiron ir transformando un modelo de escola tradicional cheo de exclusións noutro máis integrador.
Duración: 50 minutos
Ritos de resistencia é un recital multidisciplinar (poesía, música e imaxe) que ten como eixo central os poemas de Luísa Villalta, autora homenaxeada neste ano 2024 co Día das Letras Galegas.
O recital, dunha duración aproximada de 60 minutos, consiste no recitado dos poemas por parte da poeta e comunicadora Eva Veiga, ao tempo que os músicos Bernardo Martínez (percusión e xoguetes musicais) e Fito Ares ( frauta e saxo soprano) inter-actúan de forma instantánea coa palabra a través das suxestivas sonoridades dos instrumentos.
Mostra relacionada coa vida, a traxectoria e a obra de Luísa Villalta. Os contidos están adaptados a lectura fácil pola nosa compañeira Iria Cameán.
No primeiro andar da biblioteca.
Este sábado, dentro da Semana Mundial do parto Respectado (do 13 ao 20 de maio) celébrase na Biblioteca unha reunión aberta de: A voz das mulleres , ás 11.30 h.
Na Sala Infantil celebran o Días das nosas Letras cunha Mostra Bibliográfica.
O sábado 8 de xuño volve a Holi Gaiás á Cidade da Cultura e vén con novidades, porque temos preparada unha Peque Holi para a cativada entre 4 e 9 anos!! A sexta edición desta carreira lúdica, familiar e festiva xa está en marcha para que poidades gozar en familia ou coas amizades dunha proba deportiva na que un dos máximos atractivos é enzoufarse na súa tradicional poeira de cores durante o percorrido e no fin de festa.
Inauguración da exposición As abellas máis antigas de Europa e degustación de meles da IXP Mel de Galicia.
No salón de actos. Entrada libre ata completar a capacidade da sala.
O Consello Internacional de Museos (ICOM) propón para celebrar o Día Internacional dos Museos o lema “Museos pola educación e a investigación”.
Arredor deste evento, o CGAC programa unha semana de actividades gratuítas vinculadas á didáctica e á música contemporánea, á educación artística e á creación plástica, á performance e mais á historia da fotografía, alén dunha visita guiada aos recantos menos coñecidos do CGAC.
CONCERTOS DIDÁCTICOS OUTRAS MÚSICAS SON POSIBLES
Concertos didácticos para escolares
A biblioteca do Museo celebra o Día do Libro coas seguintes actividades programadas (preme na ligazón para saber máis)
Como todos os anos, o Museo de Belas Artes celebra o Día Internacional do Libro con varias actividades e recursos en liña ao longo de toda a semana. Esta é a oferta, que se pode ampliar nesta ligazón:
- 23 de abril ás 19:00 h: Visita guiada á biblioteca. Con reserva de praza.
- 23 de abril: Exposición bibliográfica sobre P.Rubens, como complemento á exposición actual "Torre de la Parada. Un espazo pictórico para Rubens"
