A partir da relación entre a arte e o movemento que fía a exposición Camiños creativos, profundarase nos conceptos de camiñar e desprazarse como axentes determinantes do proceso de creación. Farase un achegamento ao corpo e ao espazo por medio da performance, da expresión corporal e da auto-percepción, indagarase no feito do camiñar e as súas implicacións.
A través de tres escenarios de xogo diferentes, nenos e nenas explorarán os modos de habitar. Estes escenarios serán o punto de partida para imaxinar os seus posibles habitantes e as súas historias de vida. A partir de palabras e imaxes descubrirán e crearán personaxes que habitarán nun espazo imaxinado e trazado: unha casa inventada feita con cinta sobre o chan.
Tres espazos monocromáticos, a modo de illas, serán intervidos a través de diferentes materiais presentes no lugar, tales como caixas ou tubos. A actividade busca que nenos e nenas interveñan, transformen e constrúan (ou deconstruyan) os diferentes espazos, de maneira continuada nas tres sesións, mediante o xogo libre.
Inspirándose nas formas e paleta cromática de Laxeiro, os nenos e nenas que asistan a este taller construirán unha escenografía dun mundo imaxinado. Trátase dun proceso continuo e colectivo, onde ao longo das diferentes xornadas créase un escenario a través da intervención pictórica e gráfica de pezas de cartón de distintos tamaños e formas, para finalizar construíndo de maneira común unha escena en tres dimensións.
Tres estaciones de xogo libre para profundar en conceptos presentes na obra de Laxeiro, desde o Entroido e o mundo rural aos cromatismos e as formas da súa obra. Na primeira das estacións proponse un achegamento a diferentes materiais naturais; na segunda explóranse as sombras a partir de obxectos presentes na natureza e na última profúndase na tradición do Entroido elaborando máscaras propias para despois xogar e fotografarse con elas nun photocall.
“Estudar é + doado se sabes COMO”, é un obradoiro educativo que che amosará como acadar mellores resultados académicos, sacando o máximo de partido ás túas horas de estudo, e gañando tempo para outras actividades.
Contidos:
Aprende a configuración básica do móbil, buscar información en Internet, localizar e descargar aplicacións de uso habitual e xestionar unha conta de correo electrónico ou de mensaxes desde o teu teléfono ademais de aproveitar á xeolocalización con mapas e navegadores.
Aprende a manexar o teclado e o rato, organizar texto e imaxes en carpetas, personalizar o escritorio, coñecer os tipos de arquivos existentes e os programas vinculados, resolver pequenos problemas informáticos, a utilidade dos accesorios e a xestión de periféricos do computador.
A noite de Beltane, obradoiro de Samaín para crianzas de 6 a 10 anos, o próximo xoves 27 de outubro ás 18 h. na Biblioteca Fórum Metropolitano.
Ven pasar connosco una divertida tarde de Samaín. Falaremos de fragas inimaxinables, personaxes lendarios, monstros descoñecidos, lugares irrepetibles.... e, por se isto fose pouco, rescataremos do esquecemento os xogos tradicionais que nos farán estar máis preto da nosa terra e a nosa cultura.
Obradoiro masterclass de María Mann, editora gráfica internacional.
