Juan Dávila o auténtico showman e o mesías da improvisación volve co monólogo cómico do momento. Un espectáculo ideal para vir coa túa familia, se estás solteiro ou solteira e en parella, cun grupo de amigas, se estás a buscar novas oportunidades, ou algunha cita inesperada. Sabe como empeza, pero o final sempre o decide o público, se parte do imprevisible, vive o espectáculo máis vándalo e atrevido do ano.
A feira máis pequena do mundo onde nada se vende e as sementes se trocan por un conto, unha canción ou unha adiviña. Monicreques con fabas, garavanzos e centeo.
Feira das sementes é a feira máis pequena do mundo. Mirari, unha vasca establecida en Galicia, percorre o país con ela. No seu postiño leva para trocar sementes das fabas de Tolosa, de trigo candeal e outros cereais. Ela dá pero tamén recolle. Nesta ocasión en troco dunhas sementes de roseira e de garavanzo, representará con marionetas os contos: "A proba da semente" e "Garavanciña e o esquío".
Novo espectáculo de música e baile tradicional no que se fusionan distintas artes escénicas como son o baile e a música tradicional galega e o teatro.
Soprando a buguina, comezará a nosa viaxe nun barquiño de pau.Veremos illas onde viven caracois, galiñas poñedoras e vacas. Regaremos a herba. Xogaremos coa marea que sobe e baixa. Cantaremos cancións de gaivotas e moverémonos coma nécoras. Mesmo daremos unha volta por debaixo do mar.
Barquiño de pau é un espectáculo de teatro de obxectos e música para explorar os sentidos dunha maneira amena, coa participación das crianzas, con diferentes texturas coma as do papel, da tea, das esponxas naturais.
A casa é o símbolo do colo amoroso que nos acolle nos primeiros anos de vida, que nos arrola, abraza e protexe. O centro do mundo na primeira infancia con portas, ventás...
Imos visitar casas grandes, diminutas, casas que caben na man, casas-zapato, casas de fío, casas-maleta que viaxan polo mundo... xunto con Marta Ortiz.
Ás 19:00 horas no Auditorio Municipal. Espectáculo cómico. 'Sexo débil, o carallo!' a cargo da actriz e monologista Arantxa Treus, premio Fetega á mellor monologista cómica en 2020, coñecida por series de televisión como Serramoura ou Fariña. É un show de comedia na que se abordan cuestións como a sexualidade feminina, as relacións de parella, ou as esixencias estéticas que sofren as mulleres...
Espectáculo sobre as personaxes femininos de Federico García Lorca, onde poesía, música e teatro fusiónanse en perfecta harmonía, onde todo está integrado, todo forma parte das historias de cada unha das mulleres que queremos contar.
O Musical da Pantasma da ópera estreouse en Londres en 1986 e en Broadway en 1988, mantendo as súas representacións ata a actualidade, sendo o musical máis lonxevo da historia e o segundo en número de espectadores (tras O Rey León). O musical baséase na novela homónima de 1908. En España, o Musical estivo na Gran Vía de Madrid entre 2002 e 2004. Agora 20 anos despois, a Compañía Onbeat fai unha adaptación do musical para convertelo nun tributo próximo a todos os públicos, onde a lírica dáse a man con outros estilos e onde o drama mestúrase coa comedia.
Este espectáculo podería chamarse tamén 17 veces revistied ou 17 veces evolution ou 17 veces a montaxe do director. Xa que se trata dun espectáculo refeito, revisado, evolucionado e novamente montado.
Sen citar a Kafka diremos que o seu metamorfose non lle chega á sola dos zapatos ao que se ocorreu con 17 veces.
Poderiamos mesmo cambiar o nome , pero a preguiza é a nai de todos os vicios .. nin nós mesmos somos conscientes.
Lorca viviu en Nova York desde xuño do 1929 a febreiro de 1930. Entón viaxou a Cuba, onde pasou tres meses, e, finalmente, regreso a España cos poemas do libro Poeta en Nova York na maleta.
A escusa da viaxe foi matricularse como estudante de inglés na Universidade de Columbia. Os motivos reais eran outros. Lorca converteuse nun autor moi famoso en España tras a publicación do Romancero xitano, todo un éxito, e atribuír un perfil case folclórico do que el quería afastarse. Ademais, acababa de sufrir unha ruptura dolorosa cun home co que vivira un amor intenso.
