Tres cómicos da mesma xeración (Dani Rovira, JJ Vaquero e Iñaki Urrutia) enfróntanse a unha noite de monólogos, na que o cómico que estea facendo o monólogo poderá ser interrompido polos outros dous para puntualizar, complementar ou molestar.
A animación toma as rúas da vila con Trío Refugallo, unha nova proposta da man de membros de Odaiko e A Magnifique Bande dos Homes sen Medo que mestura clown, música sobre instrumentos feitos a partir de materiais de refugallo, participación e interacción co público. Un novo concepto de pasarrúas que espalla risa e ritmo.
Profesional do teatro, Goyo Jiménez iníciase no campo da comedia a través do programa El Club de la Comedia, no que actualmente segue colaborando. Ademais, o humorista participou noutros programas como El Club de Flo, Splunge ou La Hora Chanante.
Cos seus shows de humor Goyo percorreu a xeografía española en varias ocasións. Quince anos despois da estrea do espectáculo Aiguantulivinamérica, chega a segunda entrega da súa saga de monólogos máis celebrada: Aiguantulivinamérica 2.
Saaabor! é un espectáculo cómico que mestura música, maxia, humor, ritmo e participación do público, co mundo da gastronomía de fondo. Os nosos protagonistas convértense en dous recoñecidos chefs que nos ofrecen pratos para todos os gustos: desde a comida máis práctica e sinxela, ata a máis elaborada, sen esquecer o viño e a sobremesa, elaborando un saboroso menú para toda a familia.
Xoán Curiel e a Banda Son+d2 presentan no FalaRedes o seu novo espectáculo: A casa do terror, que será un libro-disco editado por Galaxia ao longo do ano 2018.
A casa do terror é unha aventura, na cal un grupo de amigos se ve obrigado a durmir nunha casa encantada e vive aventuras divertidas e terroríficas relacionadas coa música, a amizade e a superación dos propios medos.
Mary Poppins en persoa visita aos participantes nesta actividade, que adentra aos cativos no mundo da literatura e dos libros.
Entre 3 e 13 anos
Dirixida ao público infantil e familiar, TIC TAC TOC Canta comigo usa a música para tratar temas que fomenten o cariño á lectura e aos libros, a ilustración, a ecoloxía, a paz, o respecto á diversidade e ás emocións, a importancia das tradicións etc
A partir de 4 anos.
Unha creación da compañía Pistacatro, que nesta representación conta coa colaboración da Banda Municipal de Música de Santiago de Compostela.
Orquestra de malabares é un espectáculo que pon en escena a seis malabaristas e unha banda municipal, creando unha relación entre música e circo, un concerto onde os malabares son os bailaríns deste ballet aéreo. Clarinetes, saxos e trompetas son os pintores dun cadro expresionista no que as bolas, mazas e aros debuxan no aire os sentimentos e emocións que transmite a música e o circo.
Ainé Producións e Tex45 Producións son os encargados de levar ao teatro o programa Malo Será. Marta Doviro será a presentadora do espectáculo no que participa un gran elenco de actores.
Este espectáculo está composto por diferentes skeches nos que o humor e a música son os fíos condutores.
A doutora Mon e o seu axudante Pe logran construír unha máquina do tempo coa que nos amosaran a verdadeira historia das civilizacións mandando a Pe e a “algún voluntario ou voluntaria” a distintas épocas da nosa historia.
Para nenos e nenas de 5 a 12 anos.
