Espectáculo

Álex Clavero é un cómico habitual da canle Paramount Comedy. Actuou no Club da Comedia e fixo colaboracións no programa El Hormiguero. Utiliza a esaxeración, o absurdo, os cambios de ritmo e o humor xestual como ingredientes fundamentais.

#mimadreestrendingtopic é un hilarante monólogo no que explica as consecuencias de que a súa nai teña un smartphone. O monólogo viaxa á máis tenra infancia de Clavero, onde a golpe de moito enxeño o cómico fálanos daquela nostálxica época na que para quedar con alguén non facía falta máis nada que saír á rúa.
 

A animación toma as rúas da vila con Trío Refugallo, unha nova proposta da man de membros de Odaiko e A Magnifique Bande dos Homes sen Medo que mestura clown, música sobre instrumentos feitos a partir de materiais de refugallo, participación e interacción co público. Un novo concepto de pasarrúas que espalla risa e ritmo.

Elenco: Félix Rodríguez, Olivier Cano e Óscar Prieto
Dirección: Fran Rei
Xéneros: Pasarrúas cómico-musical
Duración: 55 minutos
Público: Público familiar 

Grazas ao musical, El Rey León é sen dúbida unha película que volve a estar de actualidade. É por iso que a compañía OnBeat realiza este tributo para levar as súas cancións por todo o país.

A interacción co público, as espectaculares voces, unha gran posta en escena e atractivas coreografías; ademais dunha presentación moi divertida co noso mestres de cerimonia, aseguran unha experiencia inesquecible neste concerto.

O novo espectáculo de The Hole lévanos á noitevella de 1980 para coñecer as orixes desta saga que mestura teatro, circo, cabaret e moito canalleo.

Trópico de Grelos, unha asociación cultural formada por mozos e mozas de Santiago de Compostela, traballa na percusión, converténdoa na clave para a animación e a diversión. O seu espectáculo Bloquinho Brasileiro con Trópico de Grelos é unha acción de música na rúa, na que os artistas están en contacto directo co público e interactúan con el, bailando ata a extenuación os seus frenéticos ritmos.

Don Renato é un bibliotecario atípico. Non só é quen de transformar os contos en cancións, senón que tamén repara libros con maxia e convive con seres fantásticos. Agora atópase nunha situación problemática: precisa atopar un agasallo especial para un amigo pero non sabe que escoller. 

Os nenos e as nenas participantes descubrirán que agasallo fabrica finalmente Don Renato. 

De 3 a 10 anos. 

Hai temas que pasan inadvertidos para a maioría da xente. Mesmo hai temas dos que todos falamos por encima, sen entrar en detalles. Eses temas son os protagonistas do novo espectáculo de Dani Martínez, un show moderno e innovador, onde a improvisación ocupa o 50% do espectáculo. 

Todos eses temas serán tratados por Dani axudado por unha gran pantalla, música, efectos visuais e imitacións.
 

Cómicos e monologuistas galegos como Quico Cadaval, Oswaldo Digón, David Amor, Marcos Pereiro e Xose Tourián, entre outros participarán nesta xornada festiva na parroquia de Castelo.

Programa:

13.00 - Previo á andaina
14.30 - Sesión vermú e xantar
16.00 - Andaina
20.30 - Cea
23.00 - Espectáculo de monólogos

O actor galego comeza unha serie de monólogos por todo o país.

Diego Maceiras (acordeón) e Gloria Mosquera contan varias historias con música e cancións, nas que se tratan temas como o medo, o coidado da natureza, o acoso escolar, o saber dicir non… facendo reflexionar sobre a importancia da empatía, da prudencia, da superación persoal, da cooperación e  da responsabilidade como necesarios mecanismos de paz e felicidade.

Para nenos e nenas de 3 a 8 anos.