Contos de paz na Biblioteca Ánxel Casal para conmemorar o Día Mundial das Persoas Refuxiadas. Contos para que a infancia medre nos valores da paz e non violencia, nos que está presente a resolución de conflitos e o respecto entre as xentes e os pobos do mundo. A través das diferentes historias a infancia coñecerá valores tan importantes como a paz, a solidariedade e a amizade.
Para nenas e nenos de 3 a 8 anos. Entrada libre ata completar a capacidade da sala.
O shériff ten un cabalo que sempre está durmido. O gran xefe atópao e, como non sabe que é do shériff, lévao para casa. Cando o shériff se decata sae correndo a buscalo. Quen quedará co cabalo ao final?
Actividade dirixida a nenas e nenos de 3 a 8 anos. A entrada é libre ata completar a capacidade da sala.
Lugar: ludoteca
Idade: de 0 a 3 anos
Un vermiño vai da laranxeira ao limoeiro.
Non é moito camiño, mais será unha viaxe apaixonante!
Un espectáculo pensado e creado para os máis cativos, con elementos sinxelos; caixas, ruídos, luces, cores... con esta pequena peza pretendemos que os nosos nenos e nenas abran os seus ollos e os seus sentidos.
Xogos autónomos e animados de temática agraria, que nos dan a coñecer un dos paxaros máis pequenos, rebuldeiros e cantaruxeiros da fauna local. A pretensión é facer accesible, a través da diversión, en especial para público familiar, unha cultura agraria que de por si adoita fascinar e marabillar.Xogos con teatro e música | Infantil e familiar (+2) | 150 min
No palacio real andan buscando alguén para traballar nas cociñas. Buscase unha persoa que saiba guisar e asar para reis, raíñas, marquesas, duquesas e príncipes de todas as cores e condicións....
Duración: 45 minutos
Para nenas e nenos de 4 a 12 anos.
Salón de actos.
Inscrición previa dende o luns anterior á actividade na sala infantil e no teléfono 982828329.
Contos que chegan de América da man da colombiana Carolina Rueda.
Idade: de 4 anos en adiante.
Duración: 45 minutos.
Capacidade: 20 nenos/as.
Sala infantil.
Reserva de praza na biblioteca ou no teléfono 886 120 445.
Unha sesión de contos para nenas e nenos de 0 a 3 anos coa música como fío condutor, onde a fantasía, a lingua e a ilusión serán as protagonistas.
Idade: de 0 a 3 anos.
Duración: 30 minutos.
Capacidade: 15 nenos/as acompañados por 1 adulto.
Sala infantil.
O libro 100 adiviñas para enredar, que presenta Nones Araújo, fala de xoguetes, animais, profesións, festas... Un milleiro de enxeñosas adiviñas que poñen a proba a imaxinación.
Entrada de balde ata completar a capacidade da sala.
Público familiar.
Sala infantil.
Desde o outro lado do Miño, hai contos que se foron contando alén do tempo. Pasaron de avós a nais e destas ás crianzas que foron máis tarde pais. Contos fantásticos que van cruzar a fronteira imaxinaria. Contos da tradición lusófona, lonxe no espazo mais que imos sentir moi pertiño.
No salón de actos. Para nenas e nenos de 3 a 8 anos. Entrada libre ata completar a capacidade da sala.
Poetas no exilio, coa intervención de Francisco Pardo.
Lectura de poemas de Florencio Delgado Gurriarán e de Lorenzo Varela.
María Xosé Gómez Alvite presenta o libro Antas de Ulla no Centro Xeográfico de Galicia.
Actuación musical de Cantos da Ulloa recollidos pola Asociación Tesmenteira.
Piano: Aldara García Gómez
Voces: Erica García, Beatriz García, Pilar Naveira, María Bouzas e Patricia Coucheiro.
