Roi Casal ofrece un concerto con toda a súa banda na que interpreta temas do seu último traballo discográfico Donos do noso destino nun concerto familiar e para todos os públicos.
Estes concertos inclúen outros de carácter didácticos nos centros escolares da zona xunto coa cantante Silvia Ferre, neles fan un percorrido musicado pola historia dos instrumentos como a arpa, o bouzuki e a zanfona. Estas actuacións son de balde.
Tango Maestro é un percorrido pola obra dos grandes mestres do tango, con especial protagonismo á obra do gran Astor Piazzolla
A música de Piazzolla é unha das maiores expresións artísticas que Arxentina deu ao mundo. Incorporando ao tango un pouco de jazz, Piazzolla alcanzou un resultado formidable e á vez innovador, sofisticando ese rítmo porteño e revolucinando os seus conceptos.
Quinteto Nuestro Tiempo acércanos á obra dos grandes mestres da música rioplatense: Anibal Troilo, Horacio Salgán, Agustín Bardi, Astor Piazzolla.
TIC TAC é o exitoso libro-disco creado por Pablo Díaz, do que se levan vendidas máis de 5000 copias desde que saiu en decembro de 2009.
Nos seus concertos, Pablo fai un percorrido por distintos ritmos cos que, desde a perspectiva do folk, abarca a universalidade da música.
Nos seus espectáculos vai acompañado por grandes músicos que participan en grandes proxectos: Diego Barral (guitarras), Álex Fente (acordeón), Antón Díaz (baixo e contrabaixo), Carlos Freire (batería), Olga Kirk (coros) e Pablo Díaz (voz e clarinete)
Oscar Ibáñez presenta o seu primeiro traballo discográfico en solitario baixo o título “Alén do mar” (VIR, 2012). Neste disco o gaiteiro e frautista pontevedrés convídanos a unha viaxe sonora que discorre polo Atlántico chea de orixinalidade, imaxinación e creatividade, a través dunha magnífica selección de melodías galegas e latinoamericanas enriquecidas con elementos propios da música celta.
Os Concertos para bebés teñen a súa orixe no traballo con bebés desenvolvido pola Escola de Artes SAMP desde 1991. No entanto, a compañía Musicalmente ten un modelo propio e único de concerto, composto por 20 a 30 obras musicais, con duracións entre os 30 segundos e 2 minutos cada, nun formato de intensa complicidade entre intérpretes e público, onde o espacio escénico tamén se deseña para potenciar a mellor conexión posible cos asistentes.
De aquí para alá! é un espectáculo para público infantil e xuvenil interpretado por actores e músicos profesionais, dirixidos por Lydia Botana.
Luis Emilio Batallán é un cantautor cunha longa e prestixiosa trayectoria con máis de 40 anos de música en galego.
A súa oferta musical complementa voz con guitarra, ofrecendo acústicos nos que inclúe cancións do seu novo disco "Había que chegar". Composicións propias e poemas musicalizados como grandes éxitos: "Aí vén o maio", "Quen puidera namorala" ou "Agardarei".
Influenciada por propostas de corte saxón, a banda recolle unha testemuña chea de espazos sonoros para ver como en certas pasaxes se achega ao rock máis elegante como ao pop máis ácido e descarado sen deixar de perder nunca os papeis de sobriedade dos textos de cada canción.
Esta programación pode sufrir modificacións. Confirmar datas e horas nos espazos onde se celebran os concertos: Zona Cero en Caldas de Reis, Sala Karma, Sala Baranda, La Fábrica de Chocolate e A Reserva.
Repaso aos maiores éxitos da banda nos discos Kill'em All, Ridethe Lightning, Máster of Puppets,...And Justice For All e o Black Album. Os integrantes de VandallicA non só recrean o son, os arranxos e a estética da banda, senón que transmiten a mesma enerxía en cada concerto. VandallicA respecta a formación (voz e guitarra, guitarra solista, baixo e batería) e ten o son da época máis heavy de MetallicA.
Esta programación pode sufrir modificacións. Confirmar datas e horas nos lugares dos concertos.
Presentación CD "The Joy" de Valentín Caamaño Trio (Outubro 2014, FreeCode Jazz Records).
Co seu proxecto de Valentín Caamaño Trio presenta unha proposta de jazz que entronca coa tradición do estilo, pero a través da súa persoal relación co devandito estilo e co seu instrumento. Esta proposta acaba de ser plasmada nunha recente gravación que sairá á luz a finais de verán en formato CD.
Nesta ocasión, conta coa colaboración de dous músicos excepcionais, de ampla experiencia no panorama jazzístico:Alfonso Calvo ao contrabaixo e LAR Legido á batería.
