Gañador de nove premios Grammy (seis Grammy awards e tres Grammy latinos) e merecedor de moitas distincións, Dionisio Jesús ‘Chucho’ Valdés Rodríguez é natural de Quivicán, A Habana, Cuba.
Jazz Batá é o nome do novo proxecto deste gran pianista cubano. Trátase dun novo cuarteto de piano, contrabaixo e dous espectaculares sets de percusións, no que Chucho recupera o espírito dos discos máis importantes da súa carreira (Jazz Batá, 1972).
Concerto da Orquestra Sinfónica de Galicia, dirixida por Andrés Valero-Castells, cun programa de bandas sonoras do cinema español. Partituras de José Nieto e compositores galegos escritas para cinema e TV.
A SEMUA, Semana das Músicas do Audiovisual, é un festival singular que, baixo a dirección artística do compositor Nani García, dá protagonismo ás músicas para cinema, televisión e outros medios audivisuais, difundindo as mellores composicións en cada xénero.
Mitic volverá sorprender e emocionar con novo repertorio e novas sorpresas que non deixarán a ninguén indiferente, por ser un espectáculo musical único, orixinal e pioneiro, dirixido e producido polos recoñecidos músicos vigueses Álvaro e Suso Costas.
Mitic seguen facendo bailar a todo o seu público ao ritmo das lendas máis grandes da música como Gun´s and Roses, Dire Straits, ACDC, Beach Boys, Frank Sinatra, Gloria Gaynor, Bonnie Tyler ou Tina Turner.
Toda historia ten un comezo, e esta ten o rostro dun violín atopado no lixo. Sucedeu en 2006. O escenario é o gran vertedoiro de Cateura, en Asunción, capital de Paraguai. Un lugar onde os residuos se converteron en parte da paisaxe e no medio de vida para moitas persoas que se dedican a recuperalos.
Proxecto encabezado polo artista coruñés Carlos Liñares, no que estará acompañado por músicos de recoñecido nivel artístico, como Marcos Martín (Baixo e voces), Pablo Rodríguez (violín) e Lisandro Abelaidas (congas e percusión).
Neste concerto interpretarán tangos e fados, recorrendo aos máis clásicos destes dous xéneros, interpretándoos co gusto e o agarimo que todos esperan destes grandes músicos, influenciados claramente por estes dous estilos ao longo da súa extensa carreira.
Ilegales levan case catro décadas entregados ao rock e facendo reflexionar sobre a sociedade e a política coas súas cancións.
Rebelión é un disco creado dentro de parámetros difíciles de manexar, pero altamente eficaces. Nun momento en que prima a inmediatez das mensaxes, teñan o alcance que teñan, deben adaptarse a un tempo máis que limitado para gañar contundencia.
En Bajo tus alas, Niña Pastori está acompañada de artistas da talla de Pablo Alborán, Manuel Carrasco, Guaco e Vanesa Martín. É parte desa variedade cromática que define a un álbum no que canta como nunca.
Poucos artistas souberon conxugar como ela o purismo da súa voz coas novas tendencias musicais. Nese espazo móvese unha vez máis con Bajo tus alas, que desprende o encanto das cousas ben feitas.
O cantante Víctor Manuel estará no Palexco da Coruña o 15 de febreiro para presentar o seu novo traballo no concerto Casi "Casi nada está en su sitio". Este é o primeiro álbum de cancións orixinais de Victor Manuel xa que "Non hai nada mellor que escribir unha canción" (2008).
No terceiro concerto da súa tempada 2018-19, a Orquestra Sinfónica Vigo 430 contará coa pianista turca Aysedeniz Gökçin, que ofrecerá unha simbiose de música clásica e pop-rock. Neste concerto poderemos escoitar o concerto Nº 20 para piano e orquestra de Mozart, seguido por unha serie de arranxos para piano e orquestra de temas de grupos como Pink Floyd, Queen, Coldplay ou Muse.
Premio Nacional de Música 2012, a súa carreira internacional abarca cinco continentes con concertos que o levaron a algunhas das salas máis prestixiosas do mundo e a traballar con mestres como Barenboim, Dutoit, Dudamel, Mehta, Maazel, Frühbeck de Burgos, Harding, Temirkanov e V. Petrenko, e con orquestras como a Wiener Philharmoniker, Philharmonia Orchestra, Chicago, Boston e Atlanta Symphony Orchestra, Cleveland Orchestra, New York Philharmonic, London Philharmonic, Israel Philharmonic, London Symphony, entre outras.
