A compositora de orixe palestina, Najla Shami, demostra unha gran multiculturalidad nas súas composicións: Brasil, África, Sudamérica ou Xordania son algúns dos lugares que inspiran á cantautora para crear sons que se moven entre o folk e o pop, con elementos do jazz.
A banda de música folc galego Pepe Vaamonde Grupo leva máis de trece anos de vida e 200 concertos nos escenarios máis representativos de este estilo musical. O seu espectáculo é un proxecto artístico baseado nas creacións propias e nunha visión persoal da música do país, que se reflicte nun directo contundente e orixinal.
Ghaveta, convídavos a percorrer a música galega e o seus ritmos cunha característica formación de cuarteto acústico.
O particular son de Ghaveta chega o espectador ata sumerxilo nun universo tímbrico cheo de sentimento e armonía.
Con 30 anos de carreira profesional, Lou Reyes preséntase agora coa súa nova, aínda que coñecida, banda. Deixando atrás xa Os Rockin Corsarios, e despois de formacións e experiencias como Lou Reyes& Os Astros, Lou Reyes & The Wild Bunch, Os Horizontes, Os Mustang Charros ou a mencionada Os Rockin Corsarios, o actual show de Lou Reyes é un pouco compendio de todas elas, o que inclúe desde o rockabilly máis cincuentero, pasando polos toques country ata o tex- mex máis rancheiro Nin máis nin menos que puro Lou Reyes. O Rock?N Roll Rancheiro.
DOUS son Fernando Abreu e Pablo Carrera. Música instrumental para escoitar e viaxar cos sentidos.
Batital é un grupo amateur que nace en novembro de 2007 no seo da asociación cultural Claves Líricas (agora renomeada Asociación cultural Batital), da inquietude de sete afeccionados á música con experiencia musical en distintas agrupacións. Varias poden ser as definicións do estilo musical elixido. Quizais a frase máis acertada que
define o traballo de Batital sexa a de "Sons do mundo, por canto hanse versionado e composto cancións de diferentes estilos musicais como a samba, o swing, a bossa-nova, o blues, a muiñeira, a zamba, o tango, a rumba e tantos
Os Mecánicos: especialistas en música en directo dos 60, aínda que posúen outras moitas ferramentas.
Gancho Sanches presenta o seu disco Zaquín, en formato acústico. A banda, formada no 2014 en Barcelona por Brais Sánchez (guitarra e voz principal), Iván Olmedo (batería), Matías Unruh (guitarra eléctrica) únese agora o músico chantadino André Espiñeira (guitarras, harmónica, voces).
Zaquín é o barrio de Chantada onde Gancho Sanches construiu este disco. Un lugar onde os músicos se xuntaban e convivían durante os últimos anos, buscando madurar e volcar as ideas que agora conforman este disco.
Garufa Blue Devils Big Band xorde a mediados do mes de outubro de 2014, ao abrigo do Garufa Club, emblemático local coruñés, de forma similar ao que facían as grandes bandas da década dos anos 30 e 40.
É unha orquestra formada por 19 músicos e 4 cantantes nun formato clásico de big band ( 4 trompetas, 4 trombóns, 5 saxofones, batería, contrabaixo, guitarra, piano, percusión e outros instrumentos segundo as esixencias do repertorio).
O Mais que Blues-Cervexas Alhambra volve adaptándose aos novos tempos que nos toca vivir en presenza do Covid-19.
