É o fenómeno dos últimos anos na música galega, e en 2018 volva ao a estrada co seu quinto disco, xusto un ano despois de publicar o anterior, vender máis de 7.000 copias e ofrecer uns 50 concertos por toda a península.
SÉS presenta un novo traballo discográfico co que segue evolucionando o seu particular son que a consagrou no máis alto, e no que se inclúen unha antoloxía de cancións con letra e música composta pola propia cantante.
A segunda sesión do ciclo traeranos unha das películas fundamentais do cinema alemán, precursora do Expresionismo: O GÓLEM (1920, Paul Wegener), un conto de terror inspirado nunha lenda xudía do século XVI que conta a historia dun rabino nigromante do gueto de Praga que crea unha figura de arxila que, traída á vida por un demo, encargarase de protexer aos xudeus da cidade.
Eladio Santos (voz, guitarra e loops), acompañado do seu compañeiro de banda Uka (baixo), presentan un concerto en acústico no que repasarán os temas máis destacados da discografía de Eladio e os Seres Queridos, así como temas clásicos galegos, vigueses e universais de todos os tempos que influíron nos seus discos.
Improvisación, naturalidade e empatía. Un concerto dinámico, intenso e lírico nun formato que eles mesmos definen como «resultón».
Javier Marcos é unha das voces máis destacadas do jazz feito en Galicia, e asiduo da escena jazzística galega.
Dende 2012 lidera o seu propio trío con Felipe Villar na guitarra e José Manuel Díaz no contrabaixo.
Un trío inspirado polo trío de Chet Baker, unha formación moi íntima e delicada que se axusta perfectamente ao estilo de Javier Marcos.
De voz moi persoal, pode pasar por un crooner clásico ou abordar o cool jazz máis intimista.
Pacheco Bros presentan en concerto acústico, a mellor música desde os setenta ata hoxe.
Javi e Diego Pacheco son dous músicos do Val Miñor cunha amplía traxectoria musical. Ao longo dos anos formaron parte de grupos recoñecidos no panorama nacional, e compartiron, por separado escenarios e xiras, con multitude de artistas nacionais e internacionais.
A artista galega Silvia Penide logrou un dos seus soños: a voz de Víctor Manuel soa de marabilla xunto á súa nunha canción que rescatou do seu anterior traballo titulado como a canción: O efecto boomerang.
Un dos máis admirados e respectados músicos da escena Rock&Roll en Australia. Foi guitarrista e líder dos australianos ASTEROID B-612, unha das poucas bandas de hi-energy/rock&roll verdadeiramente esenciais das últimas dúas décadas, e cos que chegou a ter un considerable éxito a mediados dos 90, tendo fama de ser a banda con mellor directo en toda Australia.
Zara Maria Larsson é unha cantante e compositora sueca. Alcanzou a fama no seu país natal logo de gañar aos 10 anos o concurso de talentos Talang en 2008. Catro anos despois, en 2012, Larsson asinou co selo discográfico TEN Music Group e posteriormente publicou o seu primeiro EP Introducing, en xaneiro de 2013.
Poucos grupos teñen menos que ver entre si, no apartado musical, que Ortiga e Grande Amore. E poucos grupos comparten entre si unha visión tan estreita das cousas que lle gustan da música como Ortiga e Grande Amore. É algo difícil de explicar pero, cando pasa, nótase perfectamente. E en ‘Los Rastreadores’ nótase, porque ‘Los Rastreadores’ son froito da unión dun tipo das Fontiñas que flipaba con MC Pikachu e Estopa, e outro de Frexulfe que está sempre con Suicide e Extremoduro metidos na cabeza: é todo o pop e todo o punk que podería ser.
Guadi Galego é unha das artistas máis relevantes da escena galega, froito de unha andaina musical que comezou sendo moi nova. En 1997 entra en Berrogüetto, como vocalista, pianista e gaiteira, e grava con eles tres discos: Viaxe por Urticaria (1999) e Hepta (2001), foron calurosamente recibidos pola crítica e obxecto de varios premios e recoñecementos (entre eles o de Mellor Grupo Folk Europeo de 2000 e unha candidatura aos Grammy Latinos na súa edición de 2002).
