Edurne, é unha cantante, compositora, modelo, actriz e presentadora española . Deuse a coñecer como finalista da cuarta edición do concurso Operación Triunfo emitido en Telecinco. Posteriormente participou noutros formatos como Máis que baile!, onde obtivo a segunda posición na votación do público ou na túa cara sóame, no que foi a gañadora co 60% dos votos.
James Blunt, é un cantautor e músico británico que alcanzou a fama en 2004 co seu primeiro álbum Back to Bedlam e o seu sinxelo «You're Beautiful». O seu estilo é unha mestura de xéneros musicais que inclúen: pop rock, soft rock e folk rock cun matiz acústico. Pouco despois de realizar as súas primeiras presentacións promocionais, asinou un contrato coa compañía discográfica independente Custard Records, que é administrada por Linda Perry. Ao longo da súa carreira foi acredor de dous Premios Brit, dous Premios Ivor Novello e foi nomeado a cinco Premios Grammy.
Primordiais, grupo formado por Marcelo DoBode e Luis Martíns, dous músicos do ámbito da música galega folk máis actual. Os dous artistas invitannos a unha viaxe polos belos xardíns onde medran e afloran toda a beleza que une o arpa coa voz e percusión máis terreal. O seu primeiro traballo «Droguería Moderna» é un exemplo de que a tradición musical galega continúa creando e innovando.
Percorrido musical polos clásicos do vocal/jazz: Sinatra, Nina Simone, Jobim … Tamén adéntrase nos boleros e no repertorio clásico do gypsy jazz manouche dos tempos do seu creador Django Reinhardt nun espectáculo a guitarra sola acompañado pola sua voz.
A banda Moon Cresta ofrece o seu espectáculo para sesión vermú. O espectáculo realízase nun horario de media mañá, pero igual de enérxico e convincente que ao que nos tén afeitos nos seus shows en sala de concerto ou festivais de grandes escenarios. Amosarán o seu mellor espectáculo pero á luz do día! MOON CRESTA sempre promete: baile, suor e xúbilo!
A nosa proposta é un concerto non só musical, se non, e sobretodo visual.
A liña conductora é a música, guiada pola pianista Ana Belén Rodríguez García e comparten escenario con ela unha serie de artistas de diversa índole.
No eido musical acompáñana, nalgúns temas, batería, violín, voz e coro. Completan a performance dous bailaríns e un actor malabarista; todo isto complétase coa proxección de imaxes e efectos que fan deste, un espectáculo completo e único para todos os públicos.
DESCONCERTO é un espectáculo cómico sobre a música culta a cargo de Félix Rodríguez e Fran Rei e dirixido por Marcos Orsi.
Os nosos protagonistas aparecen, por accidente, no escenario dun concerto de música culta. Coa orquestra a piques de comezar o repertorio e o público preparado para gozar co recital, ven no deber de facerse pasar por reputados músicos para saír da situación. Curiosamente, a partir deste aloucado punto de partida, o espectáculo vai avanzando e o programa previsto vaise executando, non sen diversos reveses cómicos.
Apoiándose na recuperación da figura do home orquestra, Cé Orquestra Pantasma convértese na fórmula perfecta para escapar do mundo por uns intres, deixándose levar, entregándose por completo á festa, porque iso é o que son os seus espectáculos, unha gran festa chea de forza, ritmo e fantasía na
que o público deixa de ser espectador para converterse en protagonista.
Grupo de música extremo festeiro de repertorio taquicárdico, que vai das melodias balcánicas a coñecidas pezas da música clásica e do cine, pasando pola música tradicional galega e latina, aportándolle sempre o espírito necesario para o baile e a festa.
A banda está integrada por instrumentos de vento-metal e percusións varias. A formación principal a compoñen: trompeta, clarinete, saxo alto, saxo tenor, trompa, trombón, tuba, caixa re-adornada, timbais e bombo-platos.
Fran Amil fala e canta cancións dos monstros que habitan
nos dous discos de Chuches Amil: Un conto ao
revés, editado no ano 2015, e Monstros, con ou sen
consentimento, editado no ano 2018.
Música lixeira e cantareira que axita os pes e os corpos da cativada, e
sorprenden a máis dun pai e dunha nai chimpando
ritmicamente e bailando arredor da súa prole. Unha
música contaxiosa e festiva que fai desfrutar do
presente e presenta unha ledicia compartible.
