Diante un eco é o oitavo traballo discográfico da cantautora galega. Un título que fai referencia á concepción cíclica da historia, tristemente avalada pola deriva sociopolítica dos nosos días.Diante un eco é tamén para SÉS unha volta aos inicios, pero desde o oficio e a madurez, e sobre todo desde unha visión alternativa da sofisticación, horizontal e intercultural.
DhakhaBrakh é un inclasificable cuarteto ucraíno de folk-punk, composto por tres mulleres e un home, que creou un son fascinante bautizado como ?etno-caos?. A súa música, diferente a todo o existente, é un transo de asombrosa beleza, decididamente libre e comprometida coa que visitaron os festivais máis prestixiosos do mundo (Glastonbury, Bonaroo, Transmusicais).
Un concerto actual cheo de recordos e sentimentos en rigoroso directo musical e vocal. Máis de 50 anos de carreira ininterrompida, virando por España, América e Latinoamérica. Eurovisión ano 1973 co seu gran éxito ERES TU chegando aos primeiros lugares das listas de éxito en EEUU (segundo Billboard e Cash Box).
O Grupo conta con máis de 20 discos orixinais e innumerables recompilacións. Nova produción con todos os seus míticos éxitos.
Dende Londres, o seu lugar de residencia habitual, Miguel Angel Julián ou o que é o mesmo Soul Teller (narrador de historias da alma) embárcase na súa xira co seu proxecto acústico, onde o feeling, a diversión e a interacción co público están garantizadas.
Concerto didáctico-sensorial para bebés (0 a 3 anos). A actriz Cristina Collazo, a través de pezas musicais orixinais do compositor Manuel Paino, realiza unha viaxe de descuberta polo corpo curioso dos nenos e das nenas (desde os seus dediños que exploran a natureza ata a sorpresa da auga na súa cara). A finalidade é que os cativos deixen voar a súa imaxinación e, con ela, saian a percorrer o mundo.
Cinco concellos da Rede de Dinamización Lingüística acollerán sesións dobres desta actividade:
Concerto de Pablo Díaz e banda “Coas miñas mans”: Coas miñas mans podo debuxar, contar, sentir... Música para aprender os números, as cores, as comidas? e tamén para cantarlle á lúa, á primavera? Cancións divertidas para medrar con alegría!.
Pablo Díaz é un músico coruñés, cantante, compositor e investigador do folclore tradicional galego. Debutou co seu primeiro traballo discográfico Tic Tac, en decembro de 2009. Foi o gañador do premio "Anisia Miranda á creatividade infantil" en 2011 e levou o Premio Martín Codax da Música na categoría música infantil en 2014, por Toc Toc.
THE ELVIS CONNECTION, é unha banda liderada polo reputado crooner ALBERTO CUNHA e que conta nas súas filas con músicos cunha amplísima bagaxe e traxectoria musical, como DAVID VÁZQUEZ (Moon Crista) ao piano, ANDRÉS CUNHA (Sinistro Total, Os EP) á batería, CHUS DASILVA (Os EP) ao baixo, PAULO PASCUAL (Modulador de Ondas, Camarada Nimoy) e JAVIER SOTO (Sinistro Total, Resentidos) ás guitarras eléctricas.
Coitelo de Lume móvense en parámetros musicais próximos ao hardcore en canto ao seu rabiosa base guitarrera de alento punk e textura noise/post-hardcore (leáse Melvins, Jesus Lizard). No caso do cuarteto pontevedrés a súa proposta condénsase en temas de menor duración, afiados, duros e densos como o sílex e envoltos nunhas letras incendiarias, lúcidas e tamén divertidísimas, escritas sobre papel de lixa.
Holy Dawn: Manu: teclado; Carlos Doval: baixo; Tapi: batería; Sergio: guitarra
Doc Magoo´s: Franki: Guitarras; Piérrez: Teclados; Napo: Baixo; Pistón: Percusión; Luaña: harmónicas; Fran: Voz
Banda de Rock & Roll. Monforte de Lemos que versiona aos grandes de todos os tempos. Nos seus concertos pódese escoitar temas míticos da escena musical internacional: Neil Young, The Black Crowes, Prince, Police, Rolling Stones, Lenny Kravitz, The Doors, Beatles, Bob Dylan...
A banda «Zeltia e Irevire» emprende a súa carreira musical no ano 2018, da man da compositora e cantautora galega Laura Zeltia Acuña Barros e a fusión do estilo de percusión de Migui Carballido. Con corazón de Folk Tribal e aberta á mestura de estilos, caracterízase polo seu plasticidad e orixinalidade, polo que dependendo da ocasión, poderedes atoparvos cunha versión ou outra da súa arte.
Neste caso, a súa versión en trío acústico compóñense pola propia Zeltia á voz e guitarra acústica, Migui Carballido ao bodhran e Cibrán Seixo Pazos ao violín.
