A mestura do seu carisma e a profundidade das súas cancións, fan que te enganches e non poidas deixar de escoitalo. En 2018 publica o seu primeiro Longa Duración, ‘Greta’, cunha incrible acollida, situándoo indubidablemente entre os autores a seguir. En 2019 segue o EP ‘Furias’ cuxo single ‘110’ alcanza os 3 millóns de escoitas en spotify sen entrar en ningunha lista, confirmando o futuro brillante do cantante.
Risco e Teira, Teira e Risco. Láminas percutidas e corda rasgada. Madeira e metal. Percusión e harmonía. Dous instrumentos virtuosos que dominan sólidamente o ritmo e propoñen unha viaxe sensorial por universos novos. Teira destaca por un concepto do ritmo moi sólido que inspira ao seu compañeiro de escenario á hora de compoñer, ademais dunha maneira de concibir algo novo sobre algo que xa existe. Risco comparte a súa querenza polo ritmo e non deixa de sorprender ao guitarrista coa súa capacidade como improvisador de melodías.
A dupla achega o seu toque persoal e orixinal ás músicas do mundo transitando con naturalidade nas súas creacións entre os contextos erudito e popular, a improvisación do jazz, o feitizo dos ritmos da música brasileira e o lirismo enérxico do canto popular galego.
‘Portuguesa’ é o sexto disco da carreira de Carminho e conta con 14 composicións, varias con letra e música súa, entre outros autores. A compositora e intérprete asume tanto a produción do álbum como a composición de fados tradicionais orixinais. Nunha busca pola profundidade do seu pensamento sobre o fado, Carminho explota varias combinacións dentro dos canons, repensando a forma e movéndose como peixe nunha auga que é a súa. O traballo gráfico foi entregado, unha vez máis, a Giovanni Bianco.
Músico e profesor de filosofía fascinado pola música norteamericana de raíz, especialmente do blues e o soul, Javier Turnes volve tocar blues rodeado de tres músicos de recoñecido prestixio na escena musical galega e española que constitúen unha banda sólida e chea de groove. Este novo cuarteto de blues & soul está formado por Javier Turnes á voz e guitara, Mariño Orejana ao baixo, Luke Jennings á batería e Pedro de Gregorio ao teclado.
Á temperá idade de 10 anos comeza a tocar a guitarra inspirado por bandas como Rolling Stones, Deep Purple, America etc. Pouco despois comeza a fixarse noutras bandas máis contundentes como Iron Maiden, Metallica ou AC/DC. Mentres segue educándose como guitarrista, estuda harmonía e composición e empézase a formar como cantante.
Aos 15 anos sóbese por primeira vez a un escenario coa súa primeira banda Purgatory que pasaría a chamarse REOS, coa que gravan 2 discos, telonean a bandas como Obús, e participan en diferentes festivais, granjeándose un nome dentro do metal underground.
Durante a pandemia, 3 madrileñas e unha catalá unifican ideas e sons para dar forma ao seu 2º disco: «Caliu». A súa música bebe da gran tradición da música folk americana enriquecida con matices próximos ao grunge ou ao rock, pero mantendo en todo momento unha fidelidade absoluta pola tradición e os instrumentos de corda ao uso. As pasaxes de bases electrónicas que sustentan algúns dos seus temas, convérteas en innovadoras dos sons de raíz da música popular.
Nativa é o novo proxecto dos que fosen membros da Raíz, Adri Faus, Xavi Banyuls, Edu Soldevila, Jose Carlos García Sen-K e Julio Maloa, despois do parón indefinido da banda o pasado novembro de 2018.
Nativa xorde co obxectivo de canalizar a súa inquietude creativa, nace coa idea de expresar o que levan dentro e facer música: así de sinxelo.
Arima Soul é o novo proxecto de música Soul (Arima en eúscaro) creado por Mikel Makala (baixo) e Lida Insausti (voz), incorporándose máis tarde Paul San Martín (teclados) e Gorka Gaztanbide (batería).
Con clara influencia do Rhythm & Blues, Soul, Funk, Jazz-Groove dos 60s e 70s, pero cunha mirada posta na corrente máis contemporánea destes estilos, dígase Neo Soul. Nos seus directos, ademais de tocar temas propios cantados en eúscaro, interpretan versións dalgúns expoñentes do Soul como Etta James, Curtis Mayfield, Gil Scott-Heron, Marie Queenie Lyons,
A cantante gala, con discos de platino en varios países europeos, actuará en Vigo o 19 de marzo. Zaz é unha das cantantes con máis tirón en Francia e en varios puntos de Europa. Non é tan coñecida en España pero que conta cun longo número de discos de platino no vello continente e con dous de diamante no país galo.
Zaz chegará da man da súa Organique Tour, que ten xa datas confirmadas en Italia, Alemaña, Brasil, Arxentina, Canadá, Lituania ou Turquía. Neste tour, volve ao esencial e humano da súa singular proposta, sempre próxima ao público.
