Concerto

 
Tras máis dunha década formando parte de distintos grupos, Rodrigo Ramos inicia a súa carreira en solitario en 2015. Dous anos máis tarde, publica “Mirabas Almas”, disco debut co que fai gala da sua versatilidade en directo.
 
En canto a sons, Rodrigo atrévese a xogar co folk,  pop e rock and roll, deixando que as propias letras decidan que e como queren vestirse á hora de presentarse ante o público.
 
No seguinte disco, “Sol de Invierno”, Rodrigo Ramos ofrece un álbum cálido e altamente dotado no apartado vocal.
 

Maricarme é un trío de nova formación. Teñen a súa base no folk galego, nas foliadas e na tradición oral para crear músicas para o novo folk do país
Músicos novos pero xa cunha longa traxectoria, Antía Ameixeiras, Migui Carballido e Cibrán Seixo estarán hoxe no Modus Vivendi a partir das 21 h na programación enmarcada no ciclo Circum 
 

Deef Maa Maa Def é un encontro musical entre dúas raíñas da escena urbana senegalesa e africana. Mamy Victory, coñecida por ser unha detonación de enerxía no escenario, leva uns anos traballando para brillar nos diferentes escenarios que a acolleron en Senegal. Defa, antiga membro do grupo Rafa e corista por excelencia do grupo DaaraJFamily, é unha das voces de RnB máis solicitadas de Senegal. Este encontro entre as dúas crea unha explosión no escenario e achega un novo alento á escena musical de Dakar e de Senegal. 

Troianos de Compostela é a agrupación musical da Asociación Cultural Musical de Antigos Tunos Composteláns e do Museo Casa de Troya. Esta agrupación, nacida en 2013, debutou en concerto no Auditorio Abanca de Santiago de Compostela na tarde do 7 de novembro de 2015, no marco dos II Encontros Troyanos en Compostela, celebrados para conmemorar o centenario da edición da novela.

TESTEMUÑAS é un claro exemplo de todo o que nos rodea. Non só no referente á COVID, senón tamén os problemas que xa tiñamos e dos que nos estamos esquecendo. A loita feminista segue estando moi latente, pero desta volta, a temática, tamén xira en torno a Galiza, quizáis pola etapa universitaria que Pauliña comezou a vivir este ano.

Enrique Ramil, cantante natural de Ares con máis de 18 anos de carreira, versiona ás grandes damas da música desde o seu son característico, que se sitúa nun punto de unión entre copla, jazz e fado.

A televisión axudoulle  a facerse coñecido de maneira internacional, aínda que moita xente descubriuno polas súas covers en Youtube ou a súa homenaxe a Rocío Jurado en Terra de Talento, de Canle Sur.

Cantou nas rúas de Londres, salas de toda España, multitude de estudios de televisión e escenarios importantes en España e gran parte de América.

Espectáculo baseado no disco  de Lou Reyes "Viva Lou Reyes" recopilatorio de temas do artista completado con outras composicións no incluidas no disco e algunhas adaptacións propias e tamén algunha versión. Rocanrol de estilo de partida cincuentero pero evolucionado, en castelán principalmente, música para bailar dentro dun espectáculo concebido ao xeito clásico de "exposición, nudo e desenlace", con momentos e repertorio que tocan as distintas emocións

TALCO, a banda de punk-rock italiana máis importante e coñecida da actualidade, leva máis de 18 anos dando guerra, oito álbums de estudo, innumerables shows en clubs co cartel de entradas esgotadas e intensas aparicións en festivais por toda Europa.

Pa ti na ma é un grupo que destaca por crear un ambiente máxico e de bo rolo en cada un dos seus eventos. Tito Castro e Fran Vázquez forman este dúo no mes de febreiro do ano 2011. Os músicos coñécense durante un concerto e deciden crear un dúo totalmente diferente á proposta musical existente na cidade de Vigo ata o momento da súa creación. Desde ese momento Pa ti na ma non deixaron de levar a súa música aos diferentes escenarios da provincia.

Os australianos The Cat Empire regresan cun novo espectáculo co que reinvidican o impacto dos seus máis de vinte anos de carreira. Con novos colaboradores e novas cancions, pero ofrecendo tamén un longo repaso ao máis destacado da súa traxectoria.