Cantometrics é unha banda formada por cinco músicas galegas de ampla traxectoria musical en diferentes estilos que abarcan desde a música clásica e académica ata a tradicional, pasando polo pop, o folk ou a música electrónica. Mariña Vigo (gaita), Luís Bolón (zanfona e percusións), Sandra Pérez (láminas e percusións), Nébeda Piñeiro (voz) e Iago Camaño (acordeón) integran este proxecto que toma como base o arquivo sonoro de Alan Lomax.
Camille Hèdouin é unha artesá do son. Nada en Francia, pero galega de adopción, leva dende os 15 años participando coa sua voz en bandas de Jazz, electrónica e folk. Foi en Galicia onde comenzou a xogar con loops e samplers ata converterse na artista que é hoxe. As súas composicións son un collage de texturas, formas e cores que teñen como resultado a paisaxe sonora de MounQup.
Con máis de vinte anos de carreira e 7 discos lanzados, o guitarrista e compositor Mauricio Caruso vén reformulando súa actuación e o formato do seu traballo, se presentando no ultimo ano en trio, acompañado de musicos de alto nivel artístico e tocando composicións que forman parte de súa historia.
Despois de tres anos vivindo na Galicia, Caruso lanza o disco novo, gravado no estudio Ancestral (Pontevedra) en directo e en trio.
Neste recente traballo temos novas composicións, con influencias da música galega.
Andhrea & the Black Cats é un proxecto cuxa premisa principal é a de interpretar vellas cancións do blues, pero non acudindo ós temas mais coñecidos, senon indagando na historia e quitándolle ou po a eses arquivos que narran historias vividas, desamores, añoranzas e de mil tristezas en xeral.
A banda galega volveuno a facer, despois de lanzar o seu "Resplandor" (Subterfuge, 2018) volven cun disco que atesta autenticidade, sensibilidade e a enerxía que lles caracteriza. Foron capaces de construír en once cancións unha auténtica montaña rusa de emocións onde os ingredientes básicos son as melodías pegadizas e unhas letras honestas e sinceras.
O disco foi gravado nos Estudos Planta Sónica de Vigo baixo os mandos de Pancho Suárez de Lis e mesturado e masterizado por Santi García e Víctor García nos Ultramarinos.
Unha selección de temas lendarios do cine arranxados a ritmo de jazz, tango, bolero ou bossa-nova interpretados con elegancia e unhas boas doses de improvisación.
Unha homenaxe ao cine e a súa música, tributo a todoslos que compuxeron a gran banda sonora do século XX.
Tras máis dunha década formando parte de distintos grupos, Rodrigo Ramos inicia a súa carreira en solitario en 2015. Dous anos máis tarde, publica “Mirabas Almas”, disco debut co que fai gala da sua versatilidade en directo.
En canto a sons, Rodrigo atrévese a xogar co folk, pop e rock and roll, deixando que as propias letras decidan que e como queren vestirse á hora de presentarse ante o público.
No seguinte disco, “Sol de Invierno”, Rodrigo Ramos ofrece un álbum cálido e altamente dotado no apartado vocal.
Maricarme é un trío de nova formación. Teñen a súa base no folk galego, nas foliadas e na tradición oral para crear músicas para o novo folk do país
Músicos novos pero xa cunha longa traxectoria, Antía Ameixeiras, Migui Carballido e Cibrán Seixo estarán hoxe no Modus Vivendi a partir das 21 h na programación enmarcada no ciclo Circum
Deef Maa Maa Def é un encontro musical entre dúas raíñas da escena urbana senegalesa e africana. Mamy Victory, coñecida por ser unha detonación de enerxía no escenario, leva uns anos traballando para brillar nos diferentes escenarios que a acolleron en Senegal. Defa, antiga membro do grupo Rafa e corista por excelencia do grupo DaaraJFamily, é unha das voces de RnB máis solicitadas de Senegal. Este encontro entre as dúas crea unha explosión no escenario e achega un novo alento á escena musical de Dakar e de Senegal.
Troianos de Compostela é a agrupación musical da Asociación Cultural Musical de Antigos Tunos Composteláns e do Museo Casa de Troya. Esta agrupación, nacida en 2013, debutou en concerto no Auditorio Abanca de Santiago de Compostela na tarde do 7 de novembro de 2015, no marco dos II Encontros Troyanos en Compostela, celebrados para conmemorar o centenario da edición da novela.
