Santiago de Compostela, 22 de novembro de 2025
A Xunta de Galicia acaba de anunciar os proxectos gañadores de novela curta, poesía e banda deseñada do Xuventude Crea, unha iniciativa que busca estimular a imaxinación, a creatividade e a innovación, así como favorecer e visibilizar o talento da mocidade galega e actuar como impulso económico e plataforma de lanzamento profesional.
Portas (Pontevedra), 22 de novembro de 2025
O conselleiro de Cultura, Lingua e Xuventude, José López Campos, visitou hoxe as obras de mellora da Escola Municipal de Música de Portas, un proxecto para o que a Xunta achegou 115.000€ mediante un convenio co concello pontevedrés, que ascende en total a 617.000€, e cuxa finalización está prevista para agosto de 2026.
Santiago de Compostela, 22 de novembro de 2025
A Xunta de Galicia conmemorará o 25 aniversario da declaración da muralla de Lugo como Patrimonio Mundial pola Unesco cunha ampla programación cultural na cidade, que inclúe o primeiro concerto da pianista galega Isabel Dobarro tras recibir o Premio Grammy Latino ao Mellor álbum de música clásica por Kaleidoscope.
Santiago de Compostela, 22 de novembro de 2025
O secretario xeral da Lingua, Valentín García, participou esta mañá no Simposio das Letras Galegas 2025, organizado pola Real Academia Galega coa colaboración da Xunta de Galicia na recta final deste ano no que se homenaxearon as cantareiras.
Santiago de Compostela, 21 de novembro de 2025
O conselleiro de Cultura, Lingua e Xuventude, José López Campos, mantivo hoxe unha xuntanza co presidente da Real Academia Galega de Belas Artes, Manuel Quintana Martelo, para abordar a colaboración da Xunta de Galicia na programación coa que se conmemorará o Día das Artes Galegas 2026, dedicado ao fotógrafo José Suárez.
Santiago de Compostela, 21 de novembro de 2025
A 10ª edición do Encontro de Formación e Innovación en Circo D10! celebrarase do 23 de novembro ao 2 de decembro con distintas actividades de capacitación e intercambio profesional, así como unha carteleira de espectáculos que lle amosarán ao público a versatilidade e variedade desta disciplina escénica. Santiago de Compostela e Pontevedra acollerán o programa deseñado para o décimo aniversario desta iniciativa pola compañía Pistacatro, que contou co patrocinio da Xunta de Galicia para a súa organización.
Santiago de Compostela, 21 de novembro de 2025
A Xunta de Galicia e a Asociación Galega de Produtoras Independentes celebran hoxe no Museo das Peregrinacións e de Santiago a xornada Dereitos Audiovisuais: territorios, prazos e pantallas, unha nova proposta do programa formativo Galicia ProFilme na que participan persoas expertas neste ámbito xurídico e profesionais do sector.
O sábado 29 de novembro, celebrarase, ás 16:30 h, no stand de Mitolóxicas, unha sinatura con Andrés Castro e Alexandre Senande arredor da serie Sentinelas, dentro da programación do Culturgal.
Ideal para aumentar a colección de banda deseñada en galego e última oportunidade de 2025 para conseguir un exemplar asinado polos seus autores, un agasallo ideal para regalar(che) en Papá Noel, Reis, Apalpador, Olentzero, Grinch, Noitevella, Santos, Cumpreanos, Aniversarios, Despedidas, Xubilacións, Bodas, Comunións... ou o que che preste celebrar.
Santiago de Compostela, 20 de novembro de 2025
A Xunta de Galicia finalizou a adxudicación da convocatoria de 2025 das subvencións para a comercialización e difusión exterior de proxectos e obras audiovisuais e videoxogos, ás que se acolleron 38 produtoras e profesionais galegos para participar con 68 accións de difusión en 26 festivais, foros e mercados internacionais de referencia para o sector en España e noutros nove países.
Santiago de Compostela, 20 de novembro de 2025
O conselleiro de Cultura, Lingua e Xuventude, José López Campos, inaugurou esta mañá no Gaiás a primeira edición de Sinte, foro internacional de arte e cultura dixital que se propón situar Galicia na vangarda da creación contemporánea. Este 20 e 21 de novembro, o encontro reúne en Santiago de Compostela a máis dunha vintena de destacadas figuras deste ámbito, procedentes de países como Francia, Italia, Turquía, Portugal ou O Xapón, pero tamén de Galicia e do resto de España.
