Vigo, 8 de novembro de 2025

A Xunta porá en marcha o vindeiro ano un concurso de ideas para ampliar o proxecto expositivo do Museo do Mar de Galicia. Así o anunciou hoxe o conselleiro de Cultura, Lingua e Xuventude, José López Campos, durante a visita á finca anexa ás instalacións do espazo museístico “que vai ser incorporada para o desenvolvemento de actividades culturais”.

Santiago de Compostela, 7 de novembro de 2025

O director da Axencia Galega das Industrias Culturais, Jacobo Sutil, participou hoxe no acto benvida da oitava edición do Foro de Deseño FEED 2025, onde destacou o papel deste sector como “motor de innovación e competitividade para o conxunto das industrias culturais e creativas galegas”. A Xunta patrocina este encontro, organizado bienalmente pola Asociación Galega de Deseño, que reúne hoxe e mañá na Cidade da Cultura a profesionais, estudantes e empresas interesadas nas novas tendencias e retos neste ámbito.

A Coruña, 7 de novembro de 2025

Santiago de Compostela, 7 de novembro de 2025

A Xunta de Galicia solicitou ao Ministerio de Cultura o depósito do mecanoscrito de La Colmena, achado no Arquivo Xeral da Administración en Alcalá de Henares, na Fundación Camilo José Cela, co obxectivo de que pase a formar parte da colección conservada na súa sede de Padrón. Deste xeito, o Goberno galego vela polo cumprimento dos propios desexos do Premio Nobel de que o seu legado permanecese unido.

Santiago de Compostela, 7 de novembro de 2025

A Xunta de Galicia apostará por impulsar a creación dixital a través do Encontro de Artistas Novos Cidade da Cultura de Galicia coa incorporación de Chus Martínez Domínguez, que relevará a Rafael Doctor á fronte desta iniciativa para procurar unha maior conexión co Centro de Artes Dixitais que se está a construír no Gaiás e que entrará en funcionamento no vindeiro ano.

Lugo, 7 de novembro de 2025

Ribadavia (Ourense), 6 de novembro de 2025

O director xeral de Cultura, Anxo M. Lorenzo, inaugurou hoxe a exposición Surrealismos cotiáns. Unha lectura das coleccións inspirda por Eugenio Granell, onde destacou a figura de Eugenio Granell “para convidarnos a repensar o cotián desde a estrañeza”. Trátase dunha proposta que se poderá visitar no Museo Etnolóxico de Ribadavia ata o vindeiro 28 de febreiro e que toma a figura do artista coruñés como punto de partida para repensar a súa relación co mundo material, a memoria e a creatividade.

Santiago de Compostela, 6 de novembro de 2025

O conselleiro de Cultura, Lingua e Xuventude, José López Campos, salientou hoxe a relevancia da pegada académica e sociocultural deixada en Galicia por Ángel Luis Hueso, profesor de Historia do Cine durante máis de catro décadas na Universidade de Santiago de Compostela e impulsor de numerosas iniciativas precursoras na divulgación e avance do coñecemento audiovisual na nosa Comunidade. 

Santiago de Compostela, 6 de novembro de 2025

O xurado dos Premios da Cultura Galega 2024 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos.

Ao remate da mesma, fíxose público o fallo nas distintas categorías propostas: 

Santiago de Compostela, 6 de novembro de 2025

A Xunta celebrará esta fin de semana obradoiros, concertos e un espectáculo de danzas do mundo no Museo das Peregrinacións e de Santiago para conmemorar o décimo aniversario da apertura, na compostelá Praza das Praterías, da súa sede expositiva. Así o deu a coñecer hoxe o conselleiro de Cultura, Lingua e Xuventude, José López Campos, na presentación do programa conmemorativo, acompañado polo director xeral de Cultura, Anxo M. Lorenzo.