O Consello da Xunta vén de dar o seu visto e prace ao proxecto para equipar con financiamento procedente da Unión Europea o Centro Galego de Artes Dixitais, que se está a construír na Cidade da Cultura de Galicia e que abrirá as súas portas no segundo semestre do Xacobeo 2027.
Santiago de Compostela, 25 de maio de 2026 .- O Consello da Xunta deu luz verde hoxe á renovación do convenio de colaboración entre a Consellería de Cultura, Lingua e Xuventude e o Consello Superior de Investigacións Científicas (CSIC) para continuar e impulsar estudos de protección e difusión do patrimonio cultural que desenvolve o Instituto de Estudos Galegos Padre Sarmiento, cun importe total de 150.000 euros desde este mesmo 2026 e ata o 2028.
Mugardos (A Coruña), 25 de maio de 2026
A delegada territorial da Xunta en Ferrol, Martina Aneiros, supervisou esta mañá as obras que se están a levar a cabo na igrexa parroquial de San Xulián de Mugardos cun investimento do Goberno galego de máis de 15.000 euros. Fíxoo acompañada do director territorial da Consellería de Cultura, Lingua e Xuventude, Severino Álvarez, a tenente de alcalde do municipio, Ana Varela Bastida, e o párroco José Carlos Mato.
Santiago de Compostela, 24 de maio de 2026
A Xunta de Galicia e o Festival RESIS de Música Contemporánea impulsan unha nova creación musical de Niño de Elche e Héctor Cavallaro dentro das residencias artísticas do Gaiás. Entre Feldman é o título desta obra que hibrida electrónica, performance, música de cámara e videocreación, na que estarán a traballar o artista alacantino e o compositor ítalo-venezonalo a partir do 26 de maio xunto coa agrupación Arxis Ensemble, a soprano Margarita Rodríguez, o director Armando Merino e o cineasta galego Lois Patiño.
Lugo, 23 de maio de 2026
O conselleiro de Cultura, Lingua e Xuventude, José López Campos, acompañado polo delegado da Xunta de Galicia en Lugo, Javier Arias, inaugurou hoxe o espazo Relembra da Vestimenta Galega, situado no barrio da Tinería en Lugo. Alí puxo en valor a importancia de conservar e prestixiar “un dos emblemas da nosa identidade para que continúe contando a historia e, asemade, poña de manifesto a riqueza patrimonial que temos na nosa terra”.
O Porriño (Pontevedra), 23 de maio de 2025
Santiago de Compostela, 22 de maio de 2026
A Xunta de Galicia reunirá desde o luns 25 e ata o xoves 28 de maio, en Santiago de Compostela, 252 profesionais da programación, distribución e produción de espectáculos con motivo da 13ª edición de Galicia Escena PRO, o mercado das artes escénicas organizado pola Consellería de Cultura, Lingua e Xuventude xunto coa asociación Escena Galega, que acada este ano cifras récords de participación.
Santiago de Compostela, 22 de maio de 2026
Vigo, 21 de maio de 2026
O director xeral de Cultura, Anxo M. Lorenzo, salientou a “constante promoción do talento emerxente” que leva cabo o Goberno galego a través do apoio a iniciativas como o Encordass Fiddle Fest, certame internacional de música de corda co que se colabora con 12.000 euros. Así o destacou na presentación no Museo do Mar de Galicia da nova edición desta cita, da que adiantou que estará centrada nos sons de Escocia.
Santiago de Compostela, 21 de maio de 2026
A Xunta abre á participación dos principais axentes culturais e sociais a elaboración do Plan de accesibilidade e inclusión cultural de Galicia. O obxectivo é promover un proceso colaborativo na configuración da folla de ruta das políticas públicas neste eido do Goberno autonómico.
