Santiago de Compostela, 23 de febreiro de 2026

O conselleiro de Cultura, Lingua e Xuventude, José López Campos, lembrou hoxe a Rosalía de Castro con motivo da data do seu nacemento, enxalzando a autora “como unha desas persoas que sempre debemos ter como referente da nosa cultura, da nosa identidade e da nosa historia, aproveitando efemérides como esta, mais tamén poñendo en valor o seu legado de maneira constante, xunto con outros dos nosos persoeiros ilustres”.

O Consello da Xunta deu hoxe luz verde ao inicio da tramitación do anteproxecto da nova Lei de bibliotecas e do patrimonio bibliográfico de Galicia, coa que o Goberno galego busca actualizar e adaptar a regulación destes centros á realidade actual, tendo en conta os cambios sociais na xestión de información derivados da sociedade do coñecemento, da dixitalización e da Intelixencia Artificial.

Santiago de Compostela, 21 de febreiro de 2026

A Xunta de Galicia celebra a través das súa rede de bibliotecas públicas o Día de Rosalía de Castro, organizando, con motivo da efeméride, que terá lugar o luns 23, diferentes propostas para achegar a figura da autora a todos os públicos, cumprindo así co seu compromiso coa dinamización cultural e a difusión do coñecemento nestes espazos.

Muíños (Ourense), 19 de febreiro de 2026

O complexo turístico do Corgo, no concello ourensán de Muíños, acolleu hoxe a rolda de prensa con motivo do inminente inicio da rodaxe nesa contorna natural do filme As augas, debut na dirección de longametraxes da actriz e cineasta Ledicia Sola. A película, que conta co apoio da Xunta de Galicia, desenvolverá a súa gravación entre o 23 de febreiro e o 14 de marzo en diferentes localizacións da provincia, con escenas previstas tamén en Verín e Ourense capital.

Santiago de Compostela, 20 de febreiro de 2027

A Xunta de Galicia exhibirá no Museo das Peregrinacións e de Santiago as dúas pezas escultóricas pertecentes ao mosteiro de San Lourenzo de Carboeiro que se atopaban no Museu Frederic Marès de Barcelona. Así o anunciou hoxe o conselleiro de Cultura, Ligua e Xuventude, José López Campos, quen, xunto co concelleiro de Cultura e Industrias Creativas do Ajuntament de Barcelona, Xavier Marcé, celebrou “o regreso a Galicia” destas dúas pezas mediante un préstamo de larga duración.

Amoeiro (Ourense), 19 de febreiro de 2026

O conselleiro de Cultura, Lingua e Xuventude, José López Campos, anunciou hoxe que se reunirá o vindeiro mércores, 25 de febreiro, coas principais institucións culturais galegas co fin de “contar con todas elas para avanzar xuntos no deseño de actividades do Ano Oteriano”. Así o adiantou durante a súa visita á Fundación Otero Pedrayo, na que estivo acompañado polo secretario xeral da Lingua, Valentín García, e o director xeral de Cultura, Anxo M. Lorenzo.

Santiago de Compostela, 18 de febreiro de 2026

A Xunta de Galicia convoca as compañías profesionais galegas do sector escénico a presentar os seus espectáculos para formar parte do programa da vindeira feira Galicia Escena PRO, que se desenvolverá en distintos escenarios de Santiago de Compostela entre os vindeiros 25 e 28 de maio. Con este chamamento ponse en marcha a 13ª edición do encontro profesional organizado pola Consellería de Cultura, Lingua e Xuventude e a asociación empresarial Escena Galega.

A Consellería de Cultura, Lingua e Xuventude elevou hoxe ao Consello da Xunta o informe da actividades e liñas de actuación da Rede Galega de Teatros e Auditorios, que chega neste 2026 ao seu 30º aniversario como principal circuíto de distribución de espectáculos de carácter profesional do país. Ao longo das súas tres décadas de funcionamento, este programa avanzou na xestión especializada dos escenarios galegos, ademais de contribuír, a través das súas normativas de adhesión, á mellora das dotacións técnicas e das infraestruturas dos espazos culturais.

Santiago de Compostela, 15 de febreiro de 2026

A Xunta de Galicia abre a finais do mes de febreiro no Museo Centro Gaiás As estacións do ano na arte galega dos séculos XX e XXI, unha exposición concibida como experiencia sensorial e inmersiva ao redor das representacións estéticas da primavera, o verán, o outono e o inverno galegos.

Ourense, 12 de febreiro de 2026.- As seis moedas históricas adquiridas da colección numimástica privada de Antonio Orol serán custodiadas e exhibidas no Museo Arqueolóxico de Ourense. Así o anunciou hoxe o conselleiro de Cultura, Lingua e Xuventude, José López Campos, na recepción das mesmas, onde salientou “o esforzo feito polo Goberno galego por recuperar e ampliar o patrimonio cultural de Galicia”.