Santiago de Compostela, 2 de xuño de 2026.- A Xunta de Galicia acaba de adxudicar as 36 prazas ofertadas para a formación en arquivos e museos. Así se deu a coñecer no Diario Oficial de Galicia, onde se publicou a listaxe de persoas selecionadas para participar nestas bolsas durante o período 2026-2027. Deste xeito, as persoas bolseiras contarán cunha estadía de doce meses co fin de favorecer a formación especializada do futuro persoal técnico dos centros, así como posibilitar a súa aprendizaxe desde unha perspectiva máis práctica.

Ler en formato dixital é unha práctica en plena expansión que centra tamén as estratexias que se levan a cabo desde a Xunta de Galicia para fomentar a lectura, adoptando medidas para acompañar esta tendencia. Neste marco, hoxe analizouse no Consello un informe que recolle as liñas de actuación da Consellería de Cultura, Lingua e Xuventude para adaptarse a estes novos hábitos, como é o impulso da plataforma GaliciaLe  ou o aopio á edición de audiolibros.

Santiago de Compostela, 1 de xuño de 2026

O director xeral de Cultura, Anxo M. Lorenzo, destacou hoxe a aposta da Xunta por contribuír “a través de propostas culturais diversas e de calidade á dinamización dos barrios.” Así o salientou na presentación da programación do festival Folk na Beira do Sar, que se celebrará ao longo desta fin de semana en Santiago de Compostela e que conta coa colaboración do Goberno galego.

A Coruña, 1 de xuño de 2026

A Filmoteca de Galicia abre mañá a programación de xuño cunha serie de filmes sobre eclipses agrupados baixo o título O obturador cósmico, no marco da xornada inaugural da (S8) Mostra Internacional de Cinema Periférico, e pechará o mes o día 30 cunha cita especial arredor do filme Onte á noite conquistei Tebas, de Gabriel Azorín, última proxección da temporada 2025-2026 na sala José Sellier.

Santiago de Compostela, 1 de xuño de 2026.- O Goberno galego está xa a traballar na tramitación do anteproxecto de decreto regulador dos itinerarios culturais de interese autonómico, co obxecto de contar neste ano coa normativa que estableza os criterios que rexan a  súa creación, ao tempo que determine as súas medidas de protección, divulgación e apoio. Isto vai permitir que estas novas figuras sexan obxecto de especial atención por parte das administracións públicas á hora de planificar programacións culturais, convocar axudas e deseñar medidas de posta en valor.

A Xunta de Galicia vén de adxudicar as 33 prazas ofertadas para a formación en bibliotecas. Así se deu a coñecer no Diario Oficial de Galicia, onde se publicou a listaxe de persoas beneficiarias destas bolsas para o período 2026-2027.

Santiago de Compostela, 29 de maio de 2026