Contos da Montaña (Rusa) é un espectáculo de narración oral en lingua galega (con algúns fragmentos en portugués e inglés), concibido como unha viaxe nunha atracción de feira con paradas no Brasil, en Escocia, no País de Gales ou na propia Rusia, pensado para rapaces e rapazas de todas as idades.
Esta actividade forma parte da programación de dinamización lectora de Ler conta moito, da Rede de Bibliotecas de Galicia.
Os cantacontos farán bailar, cantar, contar e soñar ao ritmo da guitarra, do bater das palmas e do latexar do corazón. Unha actividade para compartir, participando cos pés, as mans, creando ritmos... unha actividade que non deixará indiferente.
Esta actividade forma parte do programa de dinamización lectora Ler conta moito, da Rede de Bibliotecas de Galicia.
Ouro parece... O libro animado, trampantoxos, kinematoscopio, o mundo da distorsión e figuras inestables, estereografía... Enganando o sentido da vista.
Actividade especial de Ler conta moito para achegarse á ciencia e a física óptica.
Actividade de Ler conta moito para que os máis novos se acheguen á arqueoloxía dun xeito divertido e didáctico.
Sinopse: Imos de excursión cun grupo de amigos na procura de castros, mámoas, petróglifos e outros lugares interesantes da man do arqueólogo Cuevillas. El é un dos homes que máis saben de prehistoria na Galicia, pero ten outra afección que as veces nos trae de cabeza: o fútbol. Gustaríache vir connosco?
Creación de Audiocontos con CreAppcontos para explorar as novas tecnoloxías emerxentes. Desde as apps permítese crear e compartir contos, con audios e coa posibilidade de engadir a propia voz.
Esta actividade para Ler conta moito facilita e estimula o desenvolvemento das nenas e nenos a nivel emocional, intelectual e socia, promove a creatividade, a imaxinación,o galego e a fala dende os novas tecnoloxías.
Un achegamento ao mundo dos afiadoes con Rodesindo da Barrosa, "gobernador de Ourense".
Actividade de Ler conta moito, da Rede de Bibliotecas de Galicia.
Experiencia con grande repercusión nas redes sociais onde se mestura creación, espazos e mensaxes (lipdub).
A música, a expresividade e o grupo constrúen un divertido vídeo de características moi especiais. Boa escusa para que o audiovisual saia da biblioteca e a xente quede nela.
Esta actividade forma parte de Ler conta moito, da Rede de Bibliotecas de Galicia.
Contos coa música como fío conductor, tratando temas e rutinas adaptadas para os máis pequen@s.
Unha sesión relaxada coa música e voz de Pablo Díaz, onde a fantasía e a ilusión sexan as protagonistas.
Actividade de dinamización lectora de Ler conta moito, da Rede de Bibliotecas de Galicia.
Narración oral con contos de medo, de amor, de pequenos e de grandes... todos revoltos na maleta da contadora.
Sesión de contacontos de Ler conta moito, da Rede de Bibliotecas de Galicia
Con Tarabelos imos meter un pouco o fuciño no surrealismo de Miró para ser pintores e ilustradores de contos. Un traballo de imaxinación e creación plástica que ten como resultado unha gran ilustración que presenta os personaxes da historia coa que traballamos todo o equipo de nenos e nenas ilustradores
Na caseta de actividades da Feira do libro en Ourense
Para rapaces de máis de 6 anos
Prazas limitadas
