O arqueólogo, historiador e experto en toponimia, falará sobre toponimia e documentos: o baleirado documental do material existente nos arquivos públicos e privados, incluídas as hemerotecas, coa recollida da tradición oral.
Tratamento da toponimia, os nomes da terra e do mar en trance de desaparición debido aos cambios económicos e sociais das últimas décadas.
Xornada de portas abertas con visitas guiadas ás instalacións do arquivo e á mostra sobre as fontes documentais para o estudio da toponimia, na Sala dos Masóns.
Información e reservas:
Teléfono 986 852 118
Correo electrónico: arq.historico.pontevedra@xunta.gal
Co gallo do Día Internacional dos arquivos os técnicos do Arquivo do Reino de Galicia queren achegar o seu traballo aos cidadáns, ensinando técnicas de encadernación.
15 persoas por obradoiro. A selección farase por orde de chegada das solicitudes. As persoas interesadas deben cubrir o formulario de inscrición e remitilo ao correo: arq.reino.galicia@xunta.gal ou ao nº de fax: 881 960 374.
Co gallo do Día internacional dos arquivos os técnicos laboratorio de restauración do Arquivo do Reino de Galicia queren achegar o seu traballo aos cidadáns, ensinando a traballar con pergamiño.
15 persoas por obradoiro. A selección farase por orde de chegada das solicitudes. As persoas interesadas deben cubrir o formulario de inscrición e remitilo ao correo: arq.reino.galicia@xunta.gal
ou ao nº de fax: 881 960 374
Visita guiada para coñecer máis polo miúdo as instalacións do arquivo e á mostra documental dunha selección de documentos conservados no centro.
Información e reservas:
Teléfono 881 960 360
Correo electrónico: arq.reino.galicia@xunta.gal
Presentación dunha nova achega de serie Documentos singulares. O documento é a resposta que ofrece o mestre da Escola Nacional Mixta da Ermida, parroquia do Chao de Fabeiro en Monforte de Lemos e situada no lugar de Porto de Lobos á circular da Sección Administrativa de Primeiro Ensino de Lugo de 16 de xaneiro de 1943 que ordenaba ás Xuntas Municipais de Primeiro Ensino a remisión urxente de datos das escolas de cada municipio.
Percorrido polas instalación do arquivo así como unha explicación dos documentos que nel se conservan co apoio dunha representativa mostra documental. Inscrición previa. Mais información no teléfono 982. 828.318 ou no enderezo electrónico do arquivo: ahp.lugo.información@xunta.gal
O Arquivo de Galicia é o arquivo intermedio e histórico do Sistema de Arquivos da Xunta de Galicia ao que corresponde, entre outras funcións, recibir por transferencia os documentos dos diferentes órganos da Xunta de Galicia ou das entidades dependentes cun ámbito territorial superior a unha provincia. Pero tamén recibir por doazón, legado, depósito ou compra calquera fondo de carácter público ou privado e ámbito galego que, por formar parte do patrimonio documental de Galicia se acorde depositar nel para facilitar a súa conservación e difusión.
Co gallo da celebración do Día Internacional dos Arquivos, organízanse xornadas de portas abertas co obxectivo de dar a coñecer o Arquivo de Galicia á cidadanía mediante un percorrido polas súas instalacións e unha explicación dos documentos que nel se conservan co apoio dunha representativa mostra documental do arquivo da Real Sociedade Económica de Amigos do País de Compostela.
Mais información no teléfono 881 999 665 ou no enderezo electrónico do arquivo: arquivogalicia.cultura@xunta.gal
Visita guiada ás instalacións do arquivo e a exposición "Pontes, pontigos e pasares", unha escolma de fotografías dos fondos do arquivo.
