Viagem ao Sol parte de testemuños de nenos e nenas austríacas enviadas logo da Segunda Guerra Mundial a Portugal. Usando só imaxes de arquivo, o filme establece múltiples resonancias coa Europa actual, onde o espazo para o Outro estase a ver drasticamente reducido. Ábrese así unha reflexión sobre as crianzas en situación de conflito e a potencia da súa mirada ao revelar realidades ocultas polas narrativas oficiais.
Utilizando só imaxes de arquivo, sen diálogos e coa música electroacústica de Antonio de Sousa, o irmán da directora, o filme describe o régxime do ditador portugués António Salazar: un modelo político que determina o pasado e o futuro en función da ideoloxía e a centralidade da figura do ditador.
Adorn é un detective privado taciturno, un lobo solitario cuxo traballo consiste en filmar a outras persoas, observándoas en segredo e permanecendo invisible. Un día se emborracha e dórmese nun autobús e, ao espertarse, descobre que o seu cámara e as súas cintas foron roubadas. A misteriosa muller que lle chama pouco despois parece ter algo que ver con iso.
Despois de que un traballador resulte gravemente ferido na empresa familiar de Kadir, este vese obrigado a tomar unha decisión moral que repercutirá nos seus soños, na súa familia e na vida da esposa do traballador ferido.
Godzilla e Kong, dous das forzas máis poderosas dun planeta habitado por todo tipo de aterradoras criaturas, enfróntanse nun espectacular combate que sacode os cimentos da humanidade. Kong e os seus protectores emprenderán unha perigosa viaxe para atopar o seu verdadeiro fogar. Con eles está Jia, unha moza orfa coa que o xigante ten un vínculo único e poderoso. No camiño crúzanse inesperadamente co dun Godzilla enfurecido que vai causando destrución ao seu paso polo mundo.
Reikichi Mayumi atopa un novo traballo cinco anos despois do remate da Segunda Guerra Mundial. Vai escribir cartas de amor doutras persoas. As súas ideas sobre o amor e os seus principios amorosos poranse a proba cando atopa a súa ex-moza, Michiko, unha muller cun pasado escuro marcado pola guerra.
Un home cruza a cabalo o deserto que o separa de Bitter Creek. Vén visitar o Shériff Jake. Vintecinco anos antes ambos, o shériff e Silva, o rancheiro que cabalga ao seu encontro, traballaron xuntos como pistoleiros a soldo. Silva vén co pretexto de reencontrarse co seu amigo de xuventude, e en efecto celebran o seu encontro, pero á mañá seguinte o shériff Jake dille que a razón da súa viaxe non é a lembranza da súa vella amizade...
Os pais de Taulant son dous intelectuais a quen o seu fillo tenta convencer da súa soidade. Ante a nula resposta o neno resolve pola súa conta a situación. Aforra diñeiro e acode ao hospital materno a comprar unha irmá. Tras realizar este sensible e satírico filme, Keko abandonou o cinema por problemas de saúde deixando atrás un corpus fílmico que ben resumen as súas propias palabras: "Cando máis fondo entras no mundo das crianzas, máis aprendes, non importa que tiveras experiencias previas. Fronte ao seu mundo, creo que todos somos aprendices".
Cando Ione, a directora do filme, entra a vivir na casa dos defuntos irmáns García, descobre que as súas vidas continúan latentes nos obxectos que deixaron. Un piano, centos de debuxos, miles de fotos ou un montón de casetes serven para debuxar as personaxes deste filme. Antonio era un debuxante de cómics na editorial Bruguera, Rosita era cantante de ópera e pianista. Xunto co seu irmán Juanito, converteron o seu fogar nun espazo de creación e ficción desde o que escapar da realidade gris da ditadura franquista.
Alain e Marie mudáronse á casa suburbana dos seus soños. Pero o axente inmobiliario advertiunos: o que hai no soto pode cambiar as súas vidas para sempre.
