O documental, que será presentado polo cineasta e xornalista Aser Álvarez, ten como escenarios Lobeira, Medeiros, Nigueiroá, Matusiños, A Merca, A Coruña e Santalla de Oscos e documenta a traxectoria vital de Toño do Val (ou Toño Cesteiro) deseñada por el mesmo, non so como traballador, creador, estudioso e extraordinario coleccionista da cestería, senón cesteando e entrelazando, con perseverancia e valentía, moi diferentes vivencias, loitas, inquietudes e traballos.
Reino Unido, 2005
Dirección: Steve Box, Nick Park.Intérpretes: animación. Dur.: 85’
Sinopse: Achégase o Concurso Anual de Verduras Xigantes desatando unha auténtica tolemia no lugar onde viven Wallace e Gromit.
Proxección e presentación do libro Poética da derrota. A literatura de Wenceslao Fernández Flórez no cine por Héctor Paz e José Luis Castro de Paz
España, 1953
Dirección: Ramón Torrado.
Produción: Cesáreo González, Suevia Films.
Duración: 81'
Sinopse: Mentres está na oficina facendo horas extras, Pedro Gutiérrez, modesto empregado de banca, descobre a uns ladróns.
Xosé Neira Vilas abre as portas da súa casa e da súa memoria para amosarnos, nunha entrevista, un percorrido polas súas andaduras vitais e literarias. Ao mesmo tempo transcorre en paralelo a animación do seu conto O Espantallo Amigo narrado pola voz de Amalia Gómez. Realidade e ficción terminan por mesturarse, representando unha fermosa apoloxía da xenerosidade, da amizade e do poder expansivo da lingua galega.
Alemaña, 2014
Dirección: Christian Petzold. Intérpretes: Nina Hoss, Ronald Zehrfeld, Nina Kunzendorf, Michael Maertens. Dur.: 98'
Sinopse: Xuño de 1945. Nelly, unha sobrevivente de Auschwitz, regresa ao seu Berlín natal gravemente ferida, coa cara desfeita, acompañada por Lene, da Axencia Xudía e amiga súa antes da guerra.
España, 2015
Dirección e guión: Marc Recha. Intérpretes: Roc Recha, Sergi López, Marc Recha. Dur.: 70’
Sinopse: Nunha paraxe solitaria preto da costa, un meniño fai voar a cometa que lle construíu seu pai. Vai vento e a cometa enceréllase na vexetación.
España, 1982-2015
Dirección e guión: Xabier P. Docampo
Intérpretes: Miguel Pernas, Maruchi Olmo, Uxía López González, Amparo Martínez Pereiro.
Duración: 26'
Sinopse: Isto é un acto de lembranza e xustiza que Xabier P. Docampo escribe para dar explicación do motivo de hai 33 anos, cando un grupo de persoas se uniron a una ilusión súa, cunha mestura de curiosidade e interese. Deste xeito, comezaron a facer unha película que, segundo relata o autor, ao pouco víronse na obriga de parar...
Irán, 2015
Dirección, guión e intérprete: Jafar Panahi.
Duración: 82'
Sinopse: Un taxi amarelo percorre as vibrantes e animadas rúas de Teherán onde os pasaxeiros falan co condutor con absoluta franqueza. Quen os está entrevistando non é outro que o director do filme, Jafar Panahi.
Estados Unidos, 1958
Dirección: Alfred Hitchcock. Intérpretes: James Stewart, Kim Novak, Barbara Bel Geddes, Tom Helmore. Dur.: 128'
Sinopse: Un detective de San Francisco, Scottie Ferguson, que sofre de vertixes recibe o encargo de seguir a Madeleine, a muller dun vello amigo.
España, Colombia, 2014
Dirección e guión: Hermes Paralluelo. Intérpretes: Felisa Lou, Antonio Paralluelo. Dur.: 98’
Sinopse: Unha parella de velliños pasan os días na casa, convivindo coa soidade e mais as súas doenzas, e enfrontándose á ameaza do seu inminente traslado a unha residencia.
