Proxección audiovisual

Unha noite, nunha discoteca, ves a unha moza e namóraste automaticamente. Disllo pero non che fai caso. Insistes e consegues estar con ela o resto da noite. Convéncela e rematas na cama con ela. Que ocorrería se ao día seguinte non é a persoa que semellaba ser? Unha noite, nunha discoteca, estás cansa e vén o típico mozo que di que se namorou de ti. Dislle que se vaia, pero el insiste. Comprobas que non é o típico home, é gracioso, encantador e ademais namorouse. Notas que che gusta y rematas por acceder a pasar la noite con el.

Cornelia ten 60 anos e séntese infeliz desde que o seu fillo Barbu, 34 anos, decidiu ser independente custe o que custe. Mudouse a un apartamento, ten coche propio, unha noiva que non se merece, segundo Cornelia, e peor que todo o anterior, evita á súa agarimosa nai sempre que é posible.

Á Rota, A Dama de Ferro e A Muller Radiactiva. 

Historia de tres heroes cotiáns, tres persoas que sofren as adversidades da vida e que loitan contra os máis terribles viláns: a morte, o desamor e a soidade.

Bruno regresa ao seu país de orixe despois dunha prolongada ausencia. A casa de campo que de neno compartía coa súa familia está agora en venda e todos se reúnen para despedir o lugar. A visita á “árbore magnética”, unha curiosidade local de estrañas propiedades, espertará nel sensacións e afectos case esquecidos.

Ópera prima da directora Isabel de Ayguavives, que ten como protagonistas a Agustín Silva ('Magic Magic') e Blanca Lewin ('O crítico') entre outros.

Sandra, coa axuda do seu marido, só dispón dunha fin de semana para ver os seus compañeiros de traballo e convencelos de que renuncien ás súas primas para que ela poida manter o seu traballo

Iacarta, ano 1965. Ao inexperto reporteiro australiano Guy Hamilton preséntaselle a oportunidade da súa vida cando o mandan como enviado especial a Indonesia. No turbulento escenario da insurrección comunista contra o presidente Sukarno, coñece a Billy Kwan, un enigmático fotógrafo, e a Jill Bryant, unha atractiva muller que traballa na embaixada inglesa.

Director: Peter Weir
Intérpretes: Mel Gibson, Sigourney Weaver, Linda Hunt, Michael Murphy, Bill Kerr, Noel Ferrier.
Australia, 1982 / 115 min.
Non recomendada para menores de 14 anos.

A historia comeza en Australia occidental en 1915 con Archie, un mozo corredor de 18 anos que o único que quere é ir á guerra para combater contra Turquía, un aliado do Imperio Alemán. Con todo o seu tío Wallace só quere que sexa corredor. Logo dunha carreira, Archie vaise a inscribir á cabalería, pero uno dos que estaban presentes dille aos oficiais que Archie non tiña 21 anos, polo que non podía inscribirse, alí coñece a Frank quen lle di que en Perth podía inscribirse.

A acción transcorre en Palestina en 1917. Durante a Primeira Guerra Mundial (1914-1918), o exército británico avanza cara a Gaza, pero as forzas turcas deteñen o seu ataque. Entre as tropas destacan os Xinetes de Lenda, un heroico grupo australiano de cabalaría. Un soldado deste corpo cae ferido durante un ataque aéreo e é trasladado ao hospital. Alí coñece unha enfermeira coa que establece unha grande amizade.

Director: Simon Wincer
Intérpretes: Peter Phelps, Nick Waters, John Larking
Australia, 1987 / 131 min.
Non recomendada para menores de 16 anos.

John Grant, un excelente profesor que chega a unha cidade de mineiros situada nun inhóspito deserto, decide pasar alí a noite antes de coller un avión para Sidney. Pero pasan cinco noites e parece que Grant se está achegando pouco a pouco á autodestrución. Cando os efectos do alcohol empezan a desfigurar a súa percepción das cousas, xorde un aspecto da súa personalidade moi pouco agradable, que se traduce nun gran desprezo por si mesmo.

Catro matrimonios vense atrapados nunha diabólica rede de amor, engano, sexo e morte, á que non todos sobreviven. O detective Leon Zat móvese por un escuro labirinto de relacións humanas na súa investigación para resolver o misterio da desaparición dunha muller casada cun importante home de negocios.

Director: Ray Lawrence
Intérpretes: Anthony LaPaglia, Geoffrey Rush, Barbara Hershey
Australia, 2001 / 121 min.
Non recomendada para menores de 13 anos.