Outras actividades

Achégase a noite máis máxica do ano. Xa tedes o voso desexo para este nadal?

Os reis magos farán unha paradiña nas Pedriñas para recoller as vosas cartas e con elas as vosas ilusións.

Un ano máis, o Apalpador chegará desde o Courel para saudar as crianzas de Compostela. A ruada, que sairá ás 18 h do local da Asociación Gentalha do Pichel, abrirá o Natarego, o tradicional tronco que volverá arder este Nadal como o facía antigamente en todas as casas galegas. As nenas e nenos do grupo de danza da Semente daranlle a benvida ao Apalpador cunha serie de actuacións ao longo do camiño, rematando na praza de Cervantes. Alí o Apalpador, e as regueifeiras da Semente ofrecerán un pregón para desexarnos unhas felices festas e un mellor 2023.

Non hai mellor xeito de pasar as mañás de Nadal que divertíndose na biblioteca. Na Ludobiblio Nadal desenvolveranse actividades que favorecen o  desenvolvemento cognitivo e social, a psicomotricidade e o movemento, e onde se lles estimula a capacidade creativa a través de diferentes obradoiros sensoriais e de expresión plástica.

-Público destinatario: nenas e nenos de 4 a 9 anos

-Horario: de 10:00 a 13 h

-Sen inscrición previa, entrada por orde de chegada (máximo 15 nenos á  vez)

Visita do Apalpador ao “Circo de artesáns” da Coruña

Aviso para todos os nenos e nenas e as súas familias da Coruña e Comarca!!!

No 23 de decembro (sexta-feira/venres), ás 17:00 horas, estará o Apalpador no centro da cidade da Coruña, nomeadamente na rúa Santo André, 36, local do Circo de Artesáns

Poderás coñecer todo sobre esta figura tradicional e desfrutar dos seus contos.

Organiza a Escola Semente Coruña.

Proxección do filme Perfect Blue (Satoshi Kon, 1997), dentro do Ciclo de Cine Mazarelos. A presentación correrá a cargo de  Marcos Masián e Bia Guillén.

haberá na sala infantil reproduccións de ilustracións da pintora para que os/as nenos/as coloreen.

Sala Infantil. Público familiar.

O Concello de Nigrán ofrece este mércores 21 de Decembro un baile de Nadal para todos os públicos de 18:00 a 21:00 horas no Auditorio Municipal e coa música en directo do Trío Xtra. Ademais, durante o evento servirase chocolate con churros. A entrada é de balde ata completarse o aforo. O obxectivo do Concello, como cada ano, é que os asistentes gocen dunha tarde de Nadal agradable bailando e socializando. 

Con motivo do centenario do nacemento de José Saramago e ao abeiro da Lei Paz Andrade para o aproveitamento da lingua portuguesa e vínculos coa lusofonía , AGAL, co apoio da Secretaría Xeral de Política Lingüística da Xunta de Galicia e do Concello de Santiago de Compostela, organiza unha homenaxe popular en forma de lectura pública continuada dunha das súas obras máis coñecidas: o Ensaio sobre a cegueira.

Un fallo no sistema de seguridade fai saltar a alarma e bloquea todas as portas de saída. Estades atrapados no museo! Deberedes descubrir pistas e resolver varios enigmas nas salas do museo para poder escapar. Poderedes saír?

Que forma ten o Nadal para ti? A Cidade da Cultura anima este ano a xogar coa xeometría en familia. Desde triángulos, círculos, cadrados, etc. podes imaxinar, deseñar e crear unha orixinal postal de Nadal. Recorta as figuras e compón o debuxo que máis che guste, inspirado nestas festas, e non esquezas engadir o teu "toque" persoal. Os autores das postais máis orixinais recibirán un agasallo familiar no espectáculo de teatro Ás para Álex, que terá lugar o 29 de decembro de 2022 (ás 18.00 horas) no Museo do Centro Gaiás, onde tamén recollerán un fantástico agasallo. .