Hoxe, como cada 2 de abril desde 1967, celebramos o Día do Libro Infantil para fomentar a lectura entre os máis pequenos.
Elixiuse este día en homenaxe ao escritor danés Hans Christian Andersen que naceu un 2 de abril de 1805.
Este ano o cartel e a mensaxe conmemorativa para difundir a todos os nenos do mundo realizárono en Eslovenia; a mensaxe é de Peter Svetina e o cartel de Damijan Stepančič.
FAME DE PALABRAS
O día 1 de abril festexamos o Día das Artes Galegas.
Este ano 2020 a Real Academia Galega de Belas Artes decidiu homenaxear ao arquitecto barroco Domingo de Andrade.
No Museo Das Peregrinacións e de Santiago contamos cunha das panorámicas máis privilexiadas dunha das súas obras mestras na cidade: a torre do reloxo (1680).
A medida que ascendemos polas plantas do Museo descóbrese, a través do lucernario, a monumental torre de Andrade que segue deixando sorprendidos aos nosos visitantes.
Feliz Día das Artes Galegas!!
#aculturasegue
Coa ocasión do Día Internacional do Libro Infantil e Xuvenil (DILI), a Asociación Galega do Libro Infantil e Xuvenil (GÁLIX) convoca o concurso «Un poema na túa voz» co fin de incentivar a lectura do xénero poético en galego entre a rapazada, promover e defender a potencialidade expresiva da poesía en voz alta e contribuír á divulgación da creación poética de autoras e autores galegos.
Poesía na casa con Gonzalo Hermo constitúe unha actividade en liña onde se presenta o Premio de Poesía Afundación 2018, A vida salvaxe, deste autor e narrador. Enmárcase dentro de #AfundacionEnCasa, unha iniciativa de Afundación, con emisións en directo, novidades diarias, actualizacións permanentes e un fondo vivo integrado por máis de 300 recursos educativos, sociais, culturais, de acompañamento telemático e de voluntariado.
O obxectivo é o de seguir aprendendo e compartindo tempo cos teus sen saír da casa durante as medidas decretadas a causa do Covid-19.
As bibliotecas lanzaron un reto en Twiter: a lectura do Quixote entre todos.
A #DonQuijote fixéronlle quedar en casa para que non se metera en #leas. A nós fannos quedar para que a #lea non se meta en casa Pero temos #lecturas e temos ganas de que che unas ao noso #reto.
Día Internacional do Libro Infantil e Xuvenil - 2 de abril de 2020
Cada ano, unha sección nacional do IBBY, a Asociación Internacional do Libro Infantil e Xuvenil, selecciona un escritor representativo e a un recoñecido ilustrador do seu país para que elaboren un cartel e unha mensaxe dirixida a todos os nenos do mundo, promovendo así a celebración deste día nas bibliotecas, centros escolares, librerías, etc.
GÁLIX, a Asociación Galega do Libro Infantil e Xuvenil organiza todos os anos unha actividade coas bibliotecas públicas e escolares para celebrar o Día Mundial do Libro Infantil e Xuvenil.
Hoxe 21 de marzo é o Día Mundial da Poesía e queremos celebralo contigo.
Anímaste a subir os teus versos predilectos as nosas reses sociais? Poden ser propios ou doutros poetas.
"Non me gustaban de nena os peluches
e lembran meus pais que non xoguei moito ás bonecas.
Non me deteño a cociñar e na química das quimeras
rocei un xeito de delincuencia xuvenil.
Un xénero feminino algo a desmán das narracións para o ano en que nacín."
Xela Arias, "Darío a diario" (Xerais, 2006)
Non tes carné de biblioteca? Rexístrate e, coas claves que recibas, accederás a GaliciaLe (eBiblio Galicia e catálogo galego). Cando remate a corentena, terás 30 días para achegarte á biblioteca a solicitar o carné e seguir gozando da plataforma.
1. Festival Atlántica
https://www.youtube.com/channel/UCybGqXgBwX8oh7HOk0y6HRg
2. Baía Edicións: libros por idades
https://baiaedicions.gal/editorial/baia-edicions-con-vos-na-casa/
3. Errata Naturae: unidades didácticas de filósofos para a infancia
