Celebramos o Día do Libro Infantil e Xuvenil co espectáculo musical “Cambia o conto” da man de Música miúda. Houbo unha vez un lobo feroz e unha nena asustada. Houbo tamén unha avoa indefensa e unha madrastra malvada… Sempre a mesma leria… ou non? Aquí, dámoslle a volta! Ven cambiar o conto connosco!
Cedemos o espazo para a presentación do videoclip do grupo Temos Temas, gañador na categoría xuvenil da última convocatoria do concurso de música infantil e xuvenil Quero Cantar que convoca a Deputación da Coruña. A entrada é libre ata completar a capacidade da sala.
Actividade interxeneracional para crear vínculos e na que se cantan varias cancións populares coñecidas polas alumnas e alumnos. Trátase dunha proposta de aprendizaxe cun achegamento á lectoescritura e na que se traballan a música e os xogos rítmicos.
Acceso restrinxido.
O Centro de Estudos Galegos da Universidade do Minho (Portugal) e o grupo musical Canto d'Aquí, co apoio do Municipio de Braga e da Xunta de Galicia, organizan un ano máis estas converxencias destinadas a estreitar os lazos culturais entre as comunidades galega e portuguesa a través da unión entre voces e músicas, danza, teatro, cinema, coloquios, faladoiros e poesía, nun encontro que nesta décima edición terá actividades en Braga, Padrón, Ponteareas, A Estrada, Santiago de Compostela.
Trucos, feitizos e moita maxia, Os Bolechas regresan polo Nadal co seu espectáculo para levar a ilusión aos fogares galegos. Coa axuda do supermago Danubio e do público, a aprendiz Loli intentará facer os mellores trucos de maxia e transportará a cativada a un universo de ilusión onde todo é posible, mesmo facer desaparecer algún dos seus irmáns. Será a maga Loli capaz de traer de volta os seus irmáns coa súa variña máxica?
A compañía en Branca e Negra (Amor Herrera e Cris de Caldas) trae unha proposta para adultos heteroxénea e composta por elementos da narración oral, do teatro e da música en directo; un espectáculo que lles rende homenaxe ás persoas migrantes, ás de antes e ás de agora.
A compañía Baobab Teatro presenta unha proposta dirixida a nenos e nenas entre 1 e 8 anos e ás suas familias. Palabras parte do eixe principal das lerias e enredos da nosa tradición oral, que xa contaban os nosos tataravós, bisavós, avós... Desde aí, viaxa a través da música, dos xogos e das historias tradicionais que as familias asistentes aprenderán para continuar xogando cos seus fillos na casa unha vez finalizado o espectáculo.
Pakolas conta e canta a historia da Ramona pequena, unha nena movida por constantes inquedanzas cunha mente moi esperta que adoraba perderse entre as páxinas de Xulio Verne. A Lúa era para ela unha fonte imparable de preguntas sen resposta.
Vivimos así unha nova aventura didáctica e rockeira rebordante de imaxinación e aprendizaxe.
Espectáculo dirixido a público familiar.
No salón de actos, a entrada é libre ata completar a capacidade da sala.
Cancións, animacións e interpretacións cos ritmos e rexistros máis divertidos. As alegrías, as amizades, os libros, a poesía, a ecoloxía, as festas do ano e o respecto á nosa lingua serán parte da equipaxe nun camiño onde a música soa con forma de sorriso.
Idade: de 4 anos en adiante.
Inscrición previa na biblioteca ou no teléfono 886 120 445 a mesma semana da actividade.
Desta volta, atoparémolos nun museo de arte onde se poden contemplar cadros do tempo dos seus avós, e dos seus bisavós, e dos seus tátara-tátara-tátaravós...
A divertida familia Bolechas chegará este outono a 21 concellos da Rede de Dinamización Lingüística.
7 de outubro, ás 18:00 h. Casa da Cultura do Milladoiro. Ames
21 de outubro, ás 18:00 h. Casa Habanera. Guitiriz
22 de outubro, ás 17:00 h. Auditorio Municipal. Celanova
28 de outubro, ás 12:30 h. Auditorio Municipal. Rianxo
28 de outubro, ás 18:00 h. Casa da Cultura. Pontedeume
