Espectáculo

Na Noiteboa dunha antiga cidade en Alemaña a principios do Século XIX a xente prepárase para a festa. Á casa dos Stalbaum chegan os primeiros invitados, entre os que se atopa Drosselmeyer, un vello chiflado, inventor de xoguetes e amigo de todos os nenos.

Drosselmeyer, disfrazado de mago fai un pequeno espectáculo e ensina aos nenos as moitas sorpresas que ten preparadas. Pero a Masha encantoulle un xoguete en especial: o crebanoces. O reloxo marca as 10, o baile acábase, apáganse as luces e comeza a maxia.

O espectáculo esta presentado en clave de musical, coa selo indiscutible da Compañía La Bicicleta e en colaboración da coñecida e reputada Escola de Teatro Musical Memory de Barcelona.

Trátase dun obra vibrante, unha obra asombrosamente construída, con escenarios sorprendentes, variados e coloridos. Números musicais de gran calidade e uns entrañables personaxes humanos, graciosos e tenros... e algún que outro tamén terrorífico.

A bonita historia dos irmáns Grimm levada a escena pola Compañía La Bicicleta convertida nun divertido espectáculo musical para os máis pequenos. Música, cancións e bailes enmarcan a historia que todos coñecemos, a historia da fermosa nena dos cabelos de ouro, pechada nunha torre que non ten escaleiras.

Despois de case 50 anos facendo rir ao país, é moi normal terminar un pouco Borrajo perdido. Monólogos, historias, humor, tenrura e un pouco de malo leite, pero non moito, que xa hai demasiado.

Un espectáculo á carta onde o público di o que quere escoitar deste cómico, poeta e pintor.

Xarope Tulú presenta Nómades.

O movemento, a música e a palabra convidan a viaxar por paisaxes singulares. Son nómades, transitan sen morada nin corpo fixo. Habitab a beleza do diverso, esa beleza que dá cor aos outros corpos e facilita a aparición de novas tonalidades, texturas e xeitos de vivir. Onde non existe un corpo equivocado, onde é posible imaxinar ás persoas en abstracto.

A Traviata é sen dúbida una das obras de Giuseppe Verdi máis recoñecidas polo gran público. A ópera baséase na adaptación teatral do éxito literario do século XIX, A dama das camelias de Alejandro Dumas. A escena comeza nun luxoso salón cunha gran festa, onde se coñecen a cortesá Violetta Valéry e Alfredo Germont, que acaba no popular brinde Libiamo ne'Lieti calici. A partir de entón, o espectador sentirá as emocións que van desde a alegría ata a frivolidade.

Con motivo do 10º Aniversario da promotora e selo discográfico da Coruña, Fanzine, terá lugar un evento no que se creará, mediante actuacións, un espazo físico e efémero de interacción, preocupado pola sinerxia natural entre imaxe e son, pola acción en directo, a experimentación e polas continuas mutacións entre xéneros e estilos que poñen de relevo a importancia da música e as artes visuais como manifestacións artísticas en constante evolución e transformación, ofrecendo unha visión panorámica e ecléctica do amplo espectro de ramas presentes na música e as artes visuais.

As novas xeracións non lograron arrebatarlle o seu título de Raíña do Rock. Sobre o escenario era pura enerxía e os seus concertos, unha explosión de dinamita.

Agora as súas lexións de fans teñen a oportunidade de vela de novo sobre os escenarios con Tina Turner Tribute. A solista, cunha voz poderosa e fera, convértese na cantante estadounidense, logra captar a poderosa enerxía de Tina Turner, a súa presenza arrebatadora, a súa sensualidade, e a súa perfecta combinación de soul e rock and roll.

A fermosa pero terrible versión dos Irmáns Grimm converteuse nun musical que sen perder de vista a triste historia dos dous irmáns, está chea de humor e tenrura que se desprende da relación de Hansel e Gretel, a música, as cancións e as belas coreografías.

Combinación de cancións con narracións de historias e contos que recollen mensaxes e que foman, no seu conxunto, unha fermosa parábola musical da que aprender e na que pensar.