Había unha vez tres cgibos que vivían no alto dunha montaña, pero un ogro terrible nos os deixaba pasar... Así comeza esta sesión de contacontos, xirida a nenos e nenas entre 4 e 12 anos de idade. Celebrarase na ludoteca da biblioteca, con capacidade máxima para esta sesión de 30 rapaces.
Estas reunións propoñen diferentes actividades que invitan aos pais a participar dunha maneira activa e respectuosa no desenvolvemento integral dos máis pequenos, a través de xogos e cancións.
Nerea Gómez é estudante de prácticas de Animación Turística do IES “Rosalía de Castro”.
Entrada libre ata completar a capacidade da sala.
Prégase presentarse 10 minutos antes do inicio da actividade.
Lectura de contos todos os xoves de outubro. De modo desinteresado, os propios usuarios da biblioteca e participantes do programa de voluntariado da Xunta para bibliotecas, Bibliovol, lerán relatos a nenos e nenas de 4 a 8 anos.
Entrada libre ata completar a capacidade da sala.
Palabras percuDitas, un ritmo de fábulas, é un espectáculo que combina a música percutida coa narración de historias. Unha nova forma de narrar ao ritmo da música de instrumentos de percusión, nun proceso no que as palabras toman forma propia a través do ritmo.
Contacontos na lingua de signos para nenos de máis de 3 anos, tanto oíntes coma xordos, por integrantes da federación de asociacións de persoas xordas de galicia (FAXPG)
Palabras, trabalinguas, historias, algún silencio, libros, xogos co corpo, cancións arrolantes, sons sorprendentes, e todo un triquitraque (ou un trocatriqui) para que na biblioteca os que dormen no berce tamén poidan gozar coas historias no colo daqueles que ben os queren.
O trasno Dada deleita os cativos cun repertorio de contos marabillosos, nos que se traballarán valores como a convivencia e a igualdade, o respecto polo medio ambiente ou o traballo en equipo.
Esta actividade forma parte da campaña Ler conta moito da Rede de Bibliotecas de Galicia, para dinamizar a lectura.
Soledad Felloza, da man da palabra e a oralidade, leva o público a un mundo imaxinario, que no seu tempo existiu no territorio da vella Gallaecia da Idade do Ferro: o dunha mitoloxía rica e plena de deuses, ata agora case descoñecida.
Esta actividade forma parte do programa Ler conta moito de dinamización lectora, da Rede Galega de Bibliotecas.
Palabras, trabalinguas, historias, algún silencio, libros, xogos co corpo, cancións arrolantes, sons sorprendentes, e todo un triquitraque (ou un trocatriqui) para que na biblioteca os que dormen no berce tamén poidan gozar coas historias no colo daqueles que ben os queren.
