Concerto de Marcos Teira Trío na Arca de Noe.
O trío está composto por Marcos Teira, á guitarra, Alfonso Calvo, ao contrabaixo, e Mon Fernandez, á caixa. Basea o seu repertorio en músicas aflamencadas que parten de distintos autores e xéneros, dende John Lennon ata Charles Mingus por bulerías, fandangos, tangos, etc.
Tango en Xan3iro está formado por tres fontes de harmonía: unha zanfona, un clarinete baixo e un acordeón con escintileos de gaita, ademais da voz. Interpretan melodías tradicionais e tamén outras propias achegándoas ao tradicional.
Mutant é unha banda galega de metal que tocaron en case todos os pubs de Galicia desde 2007. Tras o seu primeiro Ep "Reset the World" en 2009 foron desenvolvendo o seu estilo. Tamén compartiron escenario con grupos como Evile, Angelus Apatrida, Vita Imana, Crisix, Mnemic, Slayer, Lamb of God ou Trivium.
Manos Unidas organiza este concerto benéfico para o abastecemento de auga nunha escola de secundaria en Mozambique.
A actuación correrá a cargo da Big Band Rockschool Center.
Co seu primeiro disco, "Futuras Esposas", recentemente estreado, este grupo de riotgirls formado por Paula, Ali, Sonsoles e Ágata realiza esta xira de outono que as trae ao Café Cultural Auriense.
O Outono Códax Festival regresa coa súa VII edición, unha edición que contará con 5 citas (días 26 de outubro e 3, 4, 17 e 18 de novembro) cheas de soul, rock'n roll, blues, rhythm&blues, swing e boogie. A Sala Capitol de Santiago será a sede principal do ciclo que incluirá tres concertos no formato habitual e, tras a boa acollida que os organizadores viron na pasada edición, 2 actuacións máis en pequeno formato, similares ás que se adoitaban facer nos vellos locais do xénero.
A banda granadina, na vanguardia do rock nacional, presenta o seu último álbum Crimen, Sabotaje y Creación.
Sofia Ribeiro percorreu xa medio mundo cativando audiencias para o seu universo musical único.
No seu novo álbum "Mar Sonoro", Sofia Ribeiro revela, con excelencia, o seu inmenso potencial como cantante e compositora, e reúne harmoniosamente diversas influencias: do jazz á world music, con temas orixinais e versións, así como adaptacións de poemas de autores portugueses, tales como Sophia de Mello Breyner e Fernando Pessoa.
Family Folks é o álter ego de Ruben Xuarez (Foggy Mental Breakdown, Los High Sierras) y Bosco Hill (The Last But One). Dúas voces coñecidas da escena viguesa, dos artistas intrépidos que uniron as súas forzas a principios de 2015 para dar forma unha quimera na que aproveitan a súa experiencia como instrumentistas (banjo, guitarra, mandolina, ukelele) repartindo a partes iguais voz e autoría de boas cancións.
A Universidade de Santiago de Compostela, co apoio da Secretaría Xeral de Política Lingüística, do Concello de Santiago e de Gadis, organiza esta gala na que se coñecerán os gañadores e se interpretarán os temas finalistas do I Certame de Música Galega: Dúas andoriñas, de Guille LP; No monte da pastora, de Leda Atómica, e Só nós de Noemia. O festival será conducido pola xornalista Xiana Arias e contará tamén coa participación do grupo Ataque Escampe.
