A fiestra dos soños é un concerto non para pequenas nin para adultas, simplemente para soñadoras. A fiestra dálle unidade e sentido ás historias que veñen despois, que funcionan de maneira independente, e do mesmo xeito, por seren os temas autónomos e ser a fiestra a que lles dá sentido, a propia fiestra abre unha porta para futuras posibles edicións de máis conxuntos de soños.
É o segundo espectáculo do grupo. Seguimos sendo 5 mulleres migrantes e músicas que se coñeceron nun barco, pero xa levamos máis tempo xuntas. Hai novo vestiario, repertorio e material escénico.
Os ritmos son os bailables de moda no comezo do século XX.
Escénicamente, os personaxes emulan a mulleres pioneiras nos dereitos femininos coma o voto, o vestir pantalóns, beber, fumar, conducir....
Este ano celébrase a VII edición do Concurso de bandas sonoras Tócaa outra vez, Xan. No concurso participarán estudantes de entre 12 e 18 anos do Conservatorio Profesional de Música Xan Viaño de Ferrol, interpretando bandas sonoras de películas, series, videoxogos, etc.
As bandas madrileñas Accidente (grupo de punk rock) e Troika (grupo de punk), máis a coruñesa Chico Perro darán un concerto na Nave 1839.
Rodrigo Romaní presenta o seu novo traballo: Fíos de ouro no ar. Un álbum concebido para recrear un xogo sonoro de luces e sombras con alusións a músicas de diversos orixes nas que a tradición oral da música popular é a base dun produto inconfundiblemente galego.
Espectáculo sen ataduras, dinámico e divertido, entrañable e sensible, enerxético e rabioso.
A música de Pan de Capazo é unha fusión de culturas, instrumentos, ritmos e melodías de toda Europa ao servizo de cinco homes que teñen distinta raíz e un só tronco: a cultura tradicional. Neste tronco, xa fai sete anos, iniciouse a súa senda como grupo.
Das aventuras ou desventuras amorosas de cada un e de cada unha, xorden paixóns desenfreadas, anos de martirio, cotas altas de felicidade, ansiedades varias, gozos e sombras. Dese caldo de cultivo xorden tamén os poemas que Aldaolado recitan no seu novo espectáculo, poñéndolle moita música e moito humor ó amor máis romántico e ó amor máis miserable. Dúas poetas no escenario co corazón aberto en canal e escarallándose. Iso é Pendanga e oso, unha fábula que conta e canta o peor e o mellor do currículo amoroso.
Treixadura constitúe dende 1990, un espectáculo musical sorprendente. A música tradicional observada desde dúas concepcións ben arraigadas: o canto e a gaita.
Durante ese tempo o grupo foi modelando o seu camiño, transformando o estilo, sen renunciar ao seu son característico. Fieis ao compromiso co seu público, tentando elevar a interpretación da música tradicional ao máximo nivel artístico e escénico.
Ao longo da súa traxectoria son moitas as melodías que rescataron do anonimato e outras tantas creadas para que a cadea de transmisión da música tradicional continúe viva.
No marco das Festas da Reconquista en Vigo, o Centro Cultural Camões organiza unha serie de conferencias e actividades culturais. Entre elas está este concerto do grupo portugués Senza, de música de fusión lusófona.
Presentarán o seu segundo disco, Antes da Monção, inspirado na viaxe que fixeron a India.
