The Capaces é unha banda de Barcelona que toca furious Punk'n'Roll discharge e está formada por Martillo Fontana (voz), Cleve Carter (guitarra), Oscar Jawa (guitarra), Sergi (baixo) e Saul "Steamroller" (batería).
Estarán acompañados da banda coruñesa Black Panda, formada por Bmx Crusader (batería), El Pistones (baixo), Shake Trigo (guitarra solista), El Cargadores (guitarra rítmica), Johny 100 duros (voz) e Tony Barbosa (voz).
Félix Rodríguez, Pepe Varela, Diego Roseira e Pablo Cabanelas. Píscore son catro prestixiosos músicos fronte a un gran conflito: 16 baquetas e unha soa marimba. Catro músicos dispostos a facela soar da maneira máis orixinal e asombrosa. Organizarse xa non vai ser tan fácil.
Píscore achéganos a mellor música e moito humor para un concerto singular nunha proposta que se encadra na liña dos grandes espectáculos que mesturan o virtuosismo musical e os ritmos coa comedia xestual.
O Concerto PunkInfantil é a nova tolemia de Brais das Hortas e Peter Punk Pallaso. Unha proposta a medio camiño entre un espectáculo teatral e un musical.
O novo espectáculo de Brais das Hortas e Peter Punk Pallaso flúe empregando a música como fío condutor, onde a técnica musical e a técnica teatral combínanse abríndoas cara a novos estilos e públicos. Un espectáculo musical e de clown para todos vos públicos
Dous músicos que chegan por equivocación a un mesmo escenario coa intención de ofrecer un concerto. O primeiro, un concerto infantil. O segundo, un concerto punk.
Pesdelán é moito máis que un grupo de música. Mediante a música en vivo e o ensino de bailes e xogos sinxelos ao público, pretende recuperar o espírito participativo das festas e integrar a todas as persoas sen importar a súa idade, condición física ou experiencia.
Espectáculo de música folk orixinal e de directo contundente. Composicións instrumentais propias e temas cantados tradicionais.
Presentación do cuarto disco da banda Nas Pedras do Lar
Son un cuarteto formado por voz, piano, contrabaixo e batería. Con eles lembraredes algúns dos hits que marcaron a historia da música. Joe Cocker, Michael Jackson, Tina Turner, Luz Casal, Elvis Presley, Queen e Police entre outros, estarán presentes no concerto sempre baixo a forma de entender a música do grupo, polo que as cancións serán versionadas, arranxadas e adaptadas ao cuarteto e aos estilos do Swing, Blues e Funky entre outros.
Radio Bulebule é un espectáculo baseado no libro-cd-dvd “Radio Bulebule” editado por Kalandraka Editora, na que se combinan cancións e interpretacións cos rexistros máis divertidos.
Abre as orellas! Sintoniza Radio Bulebule, a radio itinerante, radio ambulante, radio cantante, transmitindo para o mundo en linguaxe universal. Irrompe no dial a emisora que soñamos. A emisora que máis nos gusta. Porque dentro dela soa o universo todo, porque dentro dela todo o universo é música.
Brinca Vai! De aquí a acolá é un espectáculo baseado no libro-cd-dvd Brinca Vai!, editado por Kalandraka Editora, no que se combinan cancións, animacións e interpretacións cos ritmos e rexistros máis divertidos.
O cuarteto de Pablo Castaño é de tradición jazzística composto por saxofón , piano, contrabaixo e batería. Influenciado sen dúbida polos cuartetos e pequenos ensembles esenciais da historia do jazz liderados por instrumentos de ventos; dende Lester Young, Charlie Parker, John Coltrane e un longo etc Si ben unha das novas formacións que máis in úe neste grupo poda ser o de Wayne Shorter.
Alén do mar é un espectáculo co que Oscar Ibáñez nos invita a unha viaxe sonora que discorre polo Atlántico chea de orixinalidade, imaxinación e creatividade, a través dunha magnífica selección de melodías galegas e latinoamericanas enriquecidas con elementos propios da música celta.
OSCAR IBÁÑEZ & TRIBO
