Concerto

Unha das artistas máis relevantes e premiadas da escena galega actual, froito dunha andaina musical que comezou en Berrogüetto como vocalista, pianista e gaiteira e continuou con Espido e Nordestin@s  ata comezar a súa carreira en solitario, tamén ateigada de éxitos, como o Premio Martín Códax en Canción de Autor ou o recente Premio á Promoción da Realidade Plurilingüe do Estado Español,  concedido polo seu último traballo ‘Immersión’. No Gaiás imos poder gozar das reinterpretacións dos temas das súa carreira nas sete linguas peninsulares.

Unha voz poderosa coma unha diva soul e versátil coma unha estrela pop é a mellor definición para a súa carta de presentación. Súmase a este envoltorio letras reivindicativas —escritas  pola súa nai— ás que a cantante viste nunha variedade de xéneros que van desde o rock, ao funk e ao jazz, cos que pode amosar a forza sublime e calidade do seu rexistro.

O dúo compostelán ten pouco tempo de vida, pero o suficiente para que o trap retranqueiro de ‘Oie gayego’ se coase entre os temas máis reproducidos en Galicia na plataforma de música en liña Spotify.

Ritmos urbanos e de baile cun abano de letras que van desde a crítica e o humor acedo do seu hit; ao repertorio íntimo de temas, como ‘Algo que non sexa’; ou máis ao carón da actualidade recente, como o confinamento pola pandemia e que se reflicte no tema ‘Pegadiño a ti’. Aire fresco que entra polas fiestras da escena musical galega.

O ex guitarrista e compositor de Los Piratas volve á escena tras oito anos de pausa para presentar o seu fermoso e persoal álbum en solitario ‘La chispa, la llama y el humo’, onde se amosa a corazón aberto.

Tras o éxito do seu último lanzamento, ‘Namoreime dunha pulpeira’ a cumbia e o reggaeton galego de Los jinetes del trópico chega á sala Rebullón.

O concerto será ao aire libre, na terraza da cantina de As Pedriñas e haberá piscina. Os socios poderán entrar de balde e os non socios deberán pagar 5 €. As entradas poden mercarse na mesma Cantina e a capacidade é limitada para manter as medidas de seguridade. O uso de máscara é obrigatorio durante o concerto.

Alfonso Medela é un recoñecido pianista e compositor do Carballiño. Profesor principal de piano, especialízase en Jazz e Música Moderna, ademais de crear máis de cen das súas propias cancións. Nestes concertos estará envolvido na súa formación habitual e acompañado pola voz de Diana Tarín.

 Martins Aneiros Band xorde da unión da cantante Paula Martins, quen fose voz da Big Botton Band, e de Víctor Aneiros, guitarrista galego que suma xa oito discos ás súas costas.

O pasado verán a cantante apareceu como convidada do grupo do ferrolán nas súas actuacións no Fisterra Blues Experience e o Discalzos polo Festival, aínda que o inicio desta alianza musical remóntase a fai máis dunha década.

A pianista Magdalena Cerezo invítanos a realizar un percorrido polo repertorio pianístico das últimas décadas cun programa que pasará por diversas correntes estéticas europeas parando en Inglaterra, Alemaña, Francia e Islandia.

Catro pezas. Catro compositores. Dúas grandes figuras da música das últimas décadas e dúas novas promesas da composición actual. Neste concerto que referencia a unha das pezas máis célebres de Luigi Nono (“…sofferte onde serene…”), o grupo Vertixe Sonora preséntanos unha paisaxe sonora que toma por centro un piano.

Un Temazcal é un ritual ancestral característico da cultura e a tradición mexicanas que, por medio dun banÞo de vapor e da exposición a temperaturas moi elevadas, pretende purificar o individuo en corpo e mente. Mediante a parte electrónica pregravada e o uso das maracas (instrumento de seu da cultura de Centroamérica), Aìlvarez relata o desenvolvemento deste rito: desde a preparación da sauna ou banÞo que realiza o chamán, colocando os carbóns no seu interior; ata o clímax no que, tras sufrir alucinacións por mor das altas temperaturas, o individuo é purificado.