Concerto

No ano 2001 foron expulsados da Banda Xuvenil de Torroso por non saber comer os pinchos con educación. Dende entón seguimos sen ter educación pero, de vez en cando, soa algunha melodía que vos fai mover os pes ao son dos ventos e da percusión.

A día de hoxe o grupo está composto por 14 delincuentes da contorna de Mos que ademáis de tocar en salas e festivais tamén enchemos os pés de terra facendo pasarrúas turresbanianos. 

Por moito que che contemos, o mellor que podes facer é vivir o que é The Turre’s Band.

Grupo lírico-vocal formado por tres novos cantantes con dilatada experiencia sobre os escenarios. Composto por dous tenores e un barítono (Nestor Martorell, Juan Ledesma e Edgar Abramian) ofrecen un espectáculo renovado con cancións que recollen desde as bandas sonoras do cinema ata as mellores baladas do rock de todos os tempos, sempre co selo lírico-sinfónico.

Espectáculo musical de Panxoliñas revisado e versionados por Emilio Rúa dunha maneira moi actual e moderna respectando a composición tradicional. Un concerto íntimo e entrañable especial para gozar e cantar en Nadal.

Hoxe celebramos o noso segundo aniversario neste edificio e ímolo facer por todo o grande po iso despois do espectáculo de maxia a cargo do mago David Méndez contaremos coa actuación do coro xuvenil "Cantigas"

Leon Bridges dará un concerto no auditorio Mar de Vigo  tras a súa última xira internacional en 2018. Prestixiosos medios como o Wall Street Journal ou The Guardian comparárono con lendas como Otis Redding ou Sam Cooke

Desde a súa irrupción en 2015 co seu sorprendente disco de debut Coming Home, o artista de Fort Worth (Texas) non parou de recibir eloxios co seu adictivo soul vintage, logrando cotas inimaxinables para un mozo que traballaba fregando pratos e cantaba continuamente en locais de micro aberto para afeccionados.

O universo MITIC ábrese aos máis pequenos da casa, dándolles a oportunidade de vivir un auténtico concerto de Rock, cunha misión clara de construír unha ponte imperecedero, coa mellor música da historia das lendas do rock internacional.

Un espectáculo, de continuo descubrimento para o público máis esixente, cun alto contido cultural onde coñecerán de primeira man os límites da Gaita, o instrumento que marcará a súa terra, Galicia, metido na pel de Freddie Mercury, Bon Jovi, Tina Turner, Axel Rose. A cultura e a adrenalina danse a man para gozar aprendendo en «MITIC Rock Kids».

O ska e o reggae voan xuntos a través desta banda viguesa e as súas 9 integrantes, sen dúbida, historia viva do ska galego. Liska! é un exército de ventos, guitarras e voz que leva a festa comprometida como bandeira. Presentarán o seu disco República 2.0.

Óscar Avendaño (Sinistro Total, Os Casanovas, Os Naipes, The Bo Derek´s), xunto a Andrés Cunha e Mauro Comesaña (The soul jacket, Zälomon Grass), presentarán o seu disco «Cans negros», rescatan un disco que levaba desde o 2016 á espera de ver a luz e que lanzaron en 2021.

Un completo álbum de rock incorruptible cun son que se pasea pola americana, o folk rock psicodélico e mesmo o rock distorsionado dos anos 90.

Apache conta a historia de 4 desgraciados localizados en Vigo que tras ver como o RnR quedaba sepultado polo moderno decidiron en 2017 desenterrarlo e volver darlle vida.

A música de Enxeito encádrase no xénero funk, engadindo dende un primeiro momento as letras e os flows do rap e mesturándoo con melodías do soul e pequenas influencias do rock ou do blues buscando un son orixinal.