Hector Túa interpretará os temas do seu último disco, publicado en 2017 chamado «A caixa negra«, como todo o mundo sabe, é o que queda despois dun accidente; e no caso do artista non é unha excepción. Este disco é o testemuño do que queda despois da vida azarosa e aventureira deste Oliver Twist da música. Non é sorte nin inspiración, senón a pegada de alguén que foi facéndose a si mesmo ao longo de todos isto anos.
Soul & roll é un dueto acústico formado por Tamara Pérez e Miguel Araújo que comeza a súa andaina en Ourense no ano 2013. Nos seus concertos prima o bo rolo e a espontaneidade. É un grupo ideal para pasar un intre agradable mentres se goza da música en directo dunha forma orixinal acompañados das guitarras acústicas, o ukelele, a percusión ou o loop station.
A banda Ben Senmedo presentará o seu último LP «Conciencia de Especie» nun concerto en AlTraste rock bar de Vigo. O seu último álbum de rock acústico está composto por doce cancións cheas de personalidade e ao puro estilo rock que tanto caracteriza á banda.
Ben Senmedo dará un concerto en AlTraste rock bar de Vigo en acústico, sendo protagonistas no escenario, o seu desgarradora voz en directo, unha guitarra e un baixo en acústico.
As súas cancións están escritas maioritariamente en galego. Con todo, Efe Lucas de Centi, cantante e líder da banda, remarca que o folclore tradicional non reside unicamente nos temas cantados en galego. Por iso, o disco está integrado por tres cancións en portugués, lingua coa que o compositor sente cómodo expresando.
Booty Sweat naceu en 2012, integrado por Manuel Ares, Pedro Murciego e Andrés E Punto. Pouco despois da formación da banda, uníronse tamén Brian Axer Moure e Jorge Arenaz. Con todo, en 2014 un dos fundadores, Pedro Morcego, tivo que abandonar a banda, sendo substituído por Juan Manuel Ons. Booty Sweat naceu co obxectivo de canalizar o lado máis negro e blusero dos artistas que a conforman.
Daniel Casares Trío está composto polo propio Daniel Casares, Álex Salgueiro (órgano) e Chus Pazos (batería). Ao principio era Daniel Casares en solitario. Estudou en Boston e chegou a ser unha figura recoñecida no panorama do jazz bostoniano, tocando con grandes músicos como Dave Santoro, Darren Barrett ou Jenny Werner. Á súa volta a Galicia en 2016 actuou en diferentes locais, forxando tamén o seu nome na escena do jazz galego. Máis tarde xurdiu a posibilidade de conformar o grupo que é agora Daniel Casares Trío.
Os do Barro é unha banda con máis de dez anos de traxectoria no mundo da música e os concertos que naceu en Baiona. Creouse en 2009 e confórmano cinco artistas: Juaminha, que pon a voz e a guitarra; Pendi na batería; Norio a cargo dos coros e a guitarra; Tortu co baixo e os coros; e por último, Antonio, o técnico de son. Ao longo da súa carreira musical han pisado varios escenarios da zona de Baiona e de toda Galicia, ofrecendo concertos únicos.
Alberto Cunha, integrante da banda Dasilva & Cunhas´s, chega en concerto a AlTraste rock bar de Vigo. Este artista deleitará coa súa gran variedade de voces no escenario, imitando a grandes artistas de onte, hoxe e sempre. Algúns destes artistas son Louis Armstrong, Pimpinela, Elvis Presley, Antonio Machín, The Platters, Raphael e Joan Manuel Serrat.
As súas actuacións son afamadas polo seu estilo humorístico á vez que musical, chegando a imitar tamén a moitos personaxes da contorna televisiva como a Duquesa de Alba, Boris Izaguirre, O Rey ou Jose Luís Moreno.
BARBARIAN PROPHERCIES.
Por todos coñecidos e sen dúbida a banda máis internacional e con repercusión do xénero en Galicia acompañaranos presentando o seu novo disco Horizon. Despregando todo o seu arsenal sobre as táboas de Capitol farannos gozar da súa contundencia como nunca.
AGONICA
Tras varios anos de parón forzoso esta querida banda Viguesa volve pisar os escenarios. É sen dúbida un acontecemento en si mesmo e unha ocasión que non podedes deixar pasar.
PERPETUAL
Concerto de presentación de DôN, banda ourensá formada por Ana Blanco, voz e guitarra acústica, Iván Caride, teclados e voces, Miguel Caride, baixo, Miguel Inaraja, guitarra, e Óscar Pérez, batería. Pop-rock.
