O concerto de Fito & Fitipaldis en Vigo enmárcase en víraa «Teatros e Auditorios» da banda liderada por Fito Cabrales; Despois de pechar unha xira nacional multitudinaria, a banda chega á cidade olívica cun novo formato que achegará ao público a un ambiente máis íntimo en teatros e auditorios, no que se poderán escoitar cancións do seu último disco Cada vez cadáver e onde farán un repaso por todos os clásicos da banda.
Delta Blues Dúo é un proxecto composto polo guitarrista e cantante JAY DOE e o armonicista RAY FIGUI no cal debullan temas Delta Blues e Country Folk americanos.
Ramón Figueira é un experimentado armonicista da escena de blues galega,compoñente, entre outros, de bandas como The Lákazans, Andhrea & the Black Cats e Sabela & the Heartbreakers.
Camela dará un concerto en Pontevedra para presentar o seu último disco «Rebobinando», onde presentarán todos os grandes éxitos dos seus 25 anos facendo música.
O mercado da música é moi cambiante, por iso só uns elixidos son capaces de permanecer na cúspide durante moito tempo. Que te parecen vintecinco anos? Un cuarto de século. Nin máis nin menos. Ese é o tempo que leva Camela facendo música. E ese é o motivo da presentación de Rebobinando, un álbum cos grandes hits do grupo na súa versión de 2019 interpretados por eles mesmos.
A Quenlla é un grupo de música folk e música tradicional galega, creado no ano 1981 por varios músicos, entre os que se atopaban Mini e Mero, ex-compoñentes históricos do grupo Fuxan vos Ventos.
O proxecto da Quenlla naceu coa intención de elaborar un estilo próximo ao folk e á música tradicional galega, pero sen abandonar a temática social e reivindicativa, 2 un aspecto que Fuxan vos ventos había vindo descoidando. Á formación inicial, de só tres persoas, fóronse sumando distintos músicos, ata conseguir a decena.
Juancho Marqués é un cantante de hip hop nacido en Sevilla, pero que residiu practicamente toda a súa vida en Aranxuez (Madrid). Comezou a súa carreira musical no 2006 e catro anos máis tarde, crea o grupo Suit Soprano xunto a Sule B, Dj Kaplan e O Hombreviento. En 2012 publican Nada más lejos, álbum debut da banda, co que comezan a virar por toda a xeografía española. En 2014, publican o seu segundo disco Domenica inspirado no xénero cinematográfico do neorrealismo italiano.
No marco da exposición didáctica de traxes tradicionais, a biblioteca cede o espazo para a actuación do grupo de música tradicional galega Son de Gaita que nos ofrecerán un amplo repertorio de música tradicional, tanto pezas instrumentais como pezas cantadas.
Para todos os públicos. A entrada é libre ata completar a capacidade da sala.
Fernando Barroso é un músico e compositor ferrolán, que participou en numerosos proxectos dentro da escena Folk / World-Music desde Galicia e Portugal. O seu repertorio orixinal, vai ligado á música popular galega e portuguesa, con influencias dispares, desde o jazz, clásica, música Brasileira ou Persa. Artífice de bandas e colaborador xunto a outros artistas, en 2016 comeza a súa andaina persoal co lanzamento do seu primeiro álbum INTROPÍA. Desde entón conta xa con varios álbums e EP´s e unha extensa traxectoria de concertos.
Nace Maleducadas entre o Val de Lourenzá (Lugo, Galicia) e o occidente asturiano, coa pegada do poema de raíz para mellor respirar. Xúntanse aquí por vez primeira estes tres artistas galegos de mundos moi diversos, para dar luz á flor da amizade profunda e ao labor no palco ao servizo da creación compartida. Nacho Muñoz, Chefa Alonso e Mariña Oural danse na composición escénica con textos, voz, piano, saxo, percusión, poema composto e improvisado, conversación, emocións, corpo, mazás, pedra de afiar ou unto.
Deixaas é o resultado dunha intensa etapa de investigación sobre as posibilidades da arte sonora traída ao eido no que Peón se ergue como referente internacional: a música de raíz, a tradición máis xenuína. Deixaas amplía o universo creativo da artista combinando artesanía musical e vangarda creativa dun xeito excepcional. Sen abandonar a súa base tradicional, o álbum inclúe unha faceta contemporánea inspirada en espazos acústicos de nova natureza (como os espazos industriais da área de Ferrol) e composicións que traballan coa palabra poética dramatizada.
CONCERTO DO GRUPO VOCAL “ENTRELAS”
O Grupo Vocal EntrElas está formado por voces femininas que cantan a capela un variado repertorio de temas galegos, españois, brasileiros, cubanos, arxentinos, etc.
As súas interpretacións están cheas de sensibilidade, mais tamén de alegría, que transmiten ao público.
DÍA: 12 de agosto de 2022 (venres)
HORA: 20:00 horas
LOCAL: Reunión Recreativa e Instructiva de Artesanos (Circo de Artesáns)
Rúa Santo André/San Andrés, número 36 – CORUÑA
ACTO PÚBLICO, GRATUÍTO E ABERTO A TODA A CIDADANÍA
