A principios da década pasada, o ferrolán Pablo Seoane irrompía na escena jazzística galega sorprendendo a propios e estraños. En pouco tempo era dono dunha abafadora e sólida lectura do piano clásico de jazz, cunha gran habilidade para o blues e unha capacidade insólita para bopear.
O compositor, cantante e poeta leonés Amancio Prada ofrecerá un concerto gratuito na igrexa de San Martiño Pinario, o primeiro dos catro que o artista programou en espazos monumentais de Galicia. Os outros tres serán o 28 no Mosteiro de Armenteira, o 3 de setembro na Igrexa Ventosa de Agolada e o 4 de setembro na igrexa de San Martiño de Noia.O repertorio estará dedicado integramente a Rosalía de Castro. Amancio Prada gravou en 1975 un disco dedicado a Rosalía, acompañado ao violoncelo por Eduardo Gattinoni.
O Consorcio, formado por Amaya Uranga, Estíbaliz Uranga, Iñaki Uranga, e Carlos Zubiaga, é o grupo vocal por excelencia do noso país e os seus grandes éxitos permanecen hoxe en día. Eles son a única formación hispana que vendeu máis dun millón de copias dun sinxelo cantado integramente en castelán.
Tómame ou déjame, El vendedor, La otra España, ¿Que pasará mañana?, Secretaria, Quien te cantará, Desde que tu te fuiste, Amor de hombre, Donde estás corazón, Le llamaban loca... marcan a súa extensa e intensa traxectoria con máis de cinco décadas de historia da música española.
“Cadernos de cores e cancións” é un espectáculo musical de Magín Blanco e Pablo Vidal dirixido ao público infantil e familiar que propón un percorrido pola creación musical e literaria das cancións. Partindo do legado dos trobadores e trobadoras, esta proposta de dinamización en formato concerto-obradoiro repasa diferentes cancións en lingua galega e facilita un espazo de interacción e intercambio co público para que, de forma colectiva, se cree unha nova peza.
Vivimos para contalo e contámolo para vivilo de novo. Con esta frase, o artista recoñecido a nivel mundo Alejandro Sanz volve aos escenarios, unha vez máis, para presentarnos o seu novo espectáculo #LaGira do seu último recompilatorio #ElDisco.
A través dos seus clásicos e os seus novos sinxelos, o músico español percorrerá novamente o mundo achegándonos aos sons tan característicos seus e que tanto chegaron a emocionar aos seus miles de fans. Icona da música nacional e internacional, Alejandro Sanz pode gritar ben alto que é un dos artistas máis queridos de todos os tempos.
Sidecars actuarán o próximo 26 de novembro no Coliseum da Coruña. A banda madrileña presentará Trece, o seu novo disco, que sairá á venda o próximo 16 de setembro. 180 graos é o primeiro adianto do disco, unha canción que fala sobre os bares de sempre, e esa ansiada volta á normalidade despois destes últimos anos.
No seu concerto no Coliseum seguro que non faltarán tampouco os clásicos do seu repertorio, como "Amasijo de Huesos", "Fan de Ti" ou "Todos Mis Males", entre outras.
Con motivo do Día Mundial do Alzheimer, AFACO (Asociación de Familiares e Enfermos de Alzheimer da Coruña), ten o pracer de poder contar coa Agrupación Musical Amizades para celebrar un concerto benéfico.
A través de versións actualizadas de antigas baladas, boleros, obra folklórica, e composicións propias, viaxaremos a través do tempo mesturando sensacións vividas con outras novas. Esperámoste.
A primeira xornada de Tándem promete ser unha noite de altas vibracións cibernéticas. Todo un carrusel tecno, onde o impacto industrial xerado por Pantis e Fotocopia será o quilómetro cero dunha xornada na que os herculinos Lefrenk e Jean Fixx prometen articular un set de altos voos. A continuación, a suma do Fillo máis Calcaria vai transportar a unha simbiose única entre synthpop e post-pop. Toda unha arcadia de praceres distópicos que terá o seu culmen na alianza que levarán a cabo Músculo!
A artista Olaya Alcázar é unha cantante, pianista e compositora que naceu en Pontevedra, aínda que pronto se trasladou a Valencia onde creceu ata que se trasladou a Madrid no ano 2012. Descubriu o mundo da música á temperá idade de dous anos grazas á influencia do seu pai e ao piano que tiñan en casa, o cal estivo a tocar de forma autodidacta. Ata que con seis anos ingresou no conservatorio, recibindo clases de piano, solfexo, harmonía, canto grupal como soprano lírica e obtivo o Grao Medio do Conservatorio de Valencia.
The Blues Moonshiners é un trío de Blues anello que nace en 2018 e no que se mestura o estilo de blues rural, country blues e música folk con raíces afroamericanas dos anos 30, 40 e 50. Este Proxecto está formado polo guitarrista e cantante Jay Doe acompañado polo armonicista Ramón Figueira e o percusionista Fran Rilli.
