ReyMous O galego Miguel Rey, á guitarra e voz, o seu fillo checo Luki ao baixo e o arxentino Edu Mourellle á batería forman este grupo cangués. Con influencias de rock alternativo e hard rock iniciaron o seu proxecto no 2020. Teñen letras en checo, español, e inglés e non só mesturan idiomas senón tamén ideas e en cancións con moita personalidade.
Braava Band actuará o Xoves 1 de Setembro no Cámping Bayona Praia. A banda presentará un proxecto que parte de covers cun estilo propio, alternativo e fresco, con harmonías profundas e ligadas ao sabor estival. Non te perdas a oportunidade de coñecer de preto a esta banda.
En permanente estado de creación e un estilo musical propio, a medio camiño entre o Rock, o Pop e a Canción de Autor; con letras agudas e sinceras, cargadas de ironía, Pablo Vila transmite unha visión crítica e vitalista da vida, con temas sociais e humanos, sen perder o carácter íntimo e persoal.
Implosion é unha banda de rock instrumental nada en Vigo no outono de 2017, formada por Iago Sanjiao á guitarra, Carolina Sanjiao á bateria e Manuel Alvárez ao baixo.
Alba Reche presenta o seu segundo disco titulado "La Pequeña Semilla", editado en 2021. O álbum chega tras o seu debut discográfico "Quimera".
Delgao é o sobrenome de Jesús Juárez, membro de Go Roneo e que define a súa música como "pop Kinky".
Este ano 2022 editou o Ep de cinco temas "Balada Kinky" que conta con D3chairo na produción.
A banda granadina de pop, Colectivo Dá Silva, composta por sete músicos sobre o escenario presenta o seu segundo álbum titulado "Casa Vargas", lanzado en 2021 a través do selo Subterfuge.
Os valisoletanos Levitants presentan novas cancións gravadas durante a pandemia e nas que decidiron apostar polo castelán. Entre elas están os singles "Nuevas Generaciones" e "La Ventana" que formarán parte do seu próximo disco previsto para este inverno de 2022.
Tamén repasarán temas do seu último álbum ata o momento, "Enola", editado en 2019 a través do selo Subterfuge Records.
Perpetual é unha banda de metal procedente da cidade de Bucaramanga, Colombia. Pode clasificarse dentro do xénero do death metal melódico. A banda formouse no ano 2004 polo actual vocalista e baixista Paul Castle e o guitarrista Cesar Strings quen fora compañeiros na banda Warprophecy. A eles uniuse o baterista Miguel Ochoa quen xunto co teclista Edwin Mantilla deron inicio á banda que no mesmo ano gravou e lanzou o seu primeiro sinxelo chamado "Inner Messiah".
Licenciado en Historia da arte e mestrado en Museoloxía e Crítica Contemporánea, Morán iniciou a súa carreira musical en 1997 tocando a guitarra eléctrica en Zumbido, aínda que non foi membro estable deste grupo de punk rock experimental.
Despois, en 2005, foi un dos fundadores e integrantes de Loretta Martin, unha banda de funk coa que editou tres discos.
En 2015 editou en solitario Cruzando o eclipse, e en 2018 o seu segundo álbum, No Mato do desespero. Di de si mesmo que ten influencias do rock, o funk, a música brasileira, a música africana e a tradición galega
