Sons do Atlántico é una proposta cun programa moi amplio e variable. Música de cámara e contemporánea creada por compositores de todolos paises que teñen o tiveron influxo do noso océano ó longo da historia, facendo un especial fincapé en autores iberoamericanos e recalando sempre nos compositores galegos como Sergio Moure, compositor moi vinculado o mundo audiovisual.
Regresa unha das citas destas datas en Ribadeo. A Escola Municipal de Música e Danza, a EMMeD celebra o seu tradicional festival de Nadal.
No repertorio deste ano non faltarán as panxoliñas pero tamén haberá cabida para outros ritmos como a música moderna ou a tradicional.
Os alumnos da Escola a Banda de Música Infantil e a Banda de Música de Marín celebran o Festival e concerto de Nadal 2017. Unha sesión coa que queren convidar a todo o que o desexe a pasar unhas horas escoitando unha selección do seu repertorio, con motivo das próximas festas.
A Orquestra Sinfónica Vigo 430 presentará ao público vigués o próximo 22 de decembro a produción máis ambiciosa de toda a súa traxectoria: a Sinfonía nº 9 op.125 de Ludwig Van Beethoven, tamén coñecida como Coral. Trátase dunha das obras máis icónicas, transcendentais e populares da historia da música e da arte en xeral.
As rúas e mercados do centro de Vigo encheranse de música clásica para anunciar o gran concerto que a orquestra está preparando para este Nadal. Unha representación de ventos e cordas da Orquestra Sinfónica Vigo 430 (frauta, fagot, viola, 2 violíns e contrabaixo) interpretará unha selección de panxoliñas de autores clásicos en puntos concorridos da cidade. O sexteto comezará o seu percorrido ás 12 do mediodía cunha dobre actuación no Mercado do Progreso, primeiro nos postos do mercado municipal e de seguido no Urban Market Progreso 41.
Norma é unha traxedia lírica en dous actos con música de Vincenzo Bellini e libreto en italiano de Felice Romani (baseado na traxedia Norma, ossia L' infanticidio de Alexandre Soumet), estreada en Milán en 1831. Considérase un exemplo da maior altura da tradición belcantista. Casta diva foi unha das arias máis coñecidas no século XIX e continúa sendo unha das máis populares do repertorio lírico.
Aida é unha ópera en catro actos con música de Giuseppe Verdi e libreto en italiano de Antonio Ghislanzoni, baseado na versión francesa de Camille du Locle. Aida foi estreada no Teatro de ópera do Jedive no Cairo en 1871, e é a antepenúltima do compositor italiano.
O argumento baséase na historia de Aida, unha princesa etíope que é capturada e levada a Exipto como escrava. Un comandante militar, Radamés, loita entre o seu amor por ela e a súa lealdade ao Faraón.
Nikolai Lugansky é un pianista de extraordinaria profundidade e versatilidade, capaz de interpretar a grandes compositores como Mozart, Schuman e Schubert con gran virtuosismo e sensibilidade. Aclamado pola súa ex profesora Tatiana Nikolajeva como o próximo na liña da sucesión de grandes pianistas rusos, gañou o Concurso Internacional Tchaikovsky en 1994.
Tocou con moitas das mellores orquestras do mundo, así como colaboru con moitos grandes directores Osmo Vänskä, Yuri Temirkavov, Mikhail Pletnev, Charles Dutoit, Gianandrea Noseda e Vladimir Jurowski.
Ensemble Praeteritum é un conxunto instrumental creado polo violinista Pablo Suárez Calero en 2011.
Un dos seus principais obxectivos é a procura da novidade na maneira de afrontar a música, por medio de fortes contrastes dinámicos, improvisacións, e unha procura constante de cores no son. Interpreta as partituras creando unha beleza especial e persoal destinada puramente ao gozar do público.
Actualmente, ocupa a Xefatura do Departamento de Corda do Real Conservatorio Superior de Música de Madrid e imparte regularmente clases maxistrais na Royal Academy of Music de Londres.
Ademais colabora habitualmente como profesor e director da Nova Orquestra do Festival Wagner de Bayreuth e foi titor da sección de violoncelos na European Unión Youth Orchestra (EUYO).
