Clásica

O programa arrinca cunha breve sinfonía de Julián Bautista, avantaxado alumno de Conrado del Campo autoexiliado en Arxentina nos anos corenta do pasado século repetidamente galardoado polos seus traballos musicais cinematográficos. No ciclo de canción Das Marienleben, Hindemith narra
en quince poemas a vida da Virxe María. Quince anos contaba tan só o precoz Felix Mendelssohn cando compuxo a súa primeira sinfonía.

SERGIO
ALAPONT Director
PAULA
MURRIHY Soprano

Paixón polo Clasicismo vienés para abrir o Festival de Músicas Contemplativas: Haydn, Beethoven e as variacións que Haydn inspirou a Brahms. Como contraste e complemento as heteroxéneas Humoresques de Sibelius: seis pezas que adoitan ser interpretadas a xeito de suite, algunhas baseadas
en danzas como a gavota e a mazurca, e que amosan unha faciana distinta dun dos destacados protagonistas desta temporada, o finés Jean Sibelius.

ANDREW
GOURLAY Director
ALINA
POGOSTKINA Violín

A súa innegable proximidade melódica e harmónica fan das tres últimas sonatas para piano de Schubert, compostas no seu derradeiro ano de vida (1828), unha verdadeira triloxía cuxas emocións expresadas son consideradas como persoais e autobiográficas e das que sempre se lembra o carácterdramático e heroico da Sonata en do menor e o apaixonado lirismo da Sonata en La maior.

LARS VOGT Piano

Os nacionalismos musicais son un dos fíos condutores dunha temporada que nesta oportunidade nos serve dúas das grandes obras do mestre bohemio: o seu Concerto para cello e a Sétima Sinfonía,probablemente a súa sinfonía máis romántica e pola que sentía unha especial predilección.

ANTONI
ROS MARBÀ Director
PABLO
FERRÁNDEZ Violoncello

Programa:
Antonín Dvorák
Concerto para violoncello e orquestra en si menor, op. 104
Sinfonía núm. 7 en re menor, op. 70

Programa integramente francés con dúas obras de Albert Roussel e a poética La valse de Maurice Ravel. O pianista italiano Andrea Lucchesin regresa ao Auditorio de Galicia para interpretar o máis coñecido dos concertos para piano de Saint-Saëns, o segundo, que ben pode servir de mostra da enerxía e personalidade do autor parisiense.

JAKUB
HRUSA Director
ANDREA
LUCCHESINI Piano

Mozart inspirou a Chaikovski a creación da súa cuarta suite para orquestra, un tributo ao autor do Don Giovanni e de gran cantidade de pezas e concertos para piano como o seu camerístico duodécimo concerto para este instrumento. O activo, comprometido e versátil pianista e compositor turco Fazil Say descúbrenos o segundo dos descritivos concertos para piano, unha obra de xuventude inspirada na Ruta da Seda.

RUBÉN
GIMENO Director
FAZIL
SAY Piano

JAIME
MARTÍN Director

Programa:
Fernando Buide
Fragmentos del Satiricón
Piotr Ilyich Chaikovski
Romeo e Xulieta, abertura-fantasía
Felix Mendelssohn
Sinfonía núm. 5 en re menor, op. 107 “Reforma”
 

 Máis información

Tiña un sentido e unha sensibilidade que lle permitía saber cando manter o silencio, cando continuar e cando parar, cando sorprender e cando consolidar, di Stockhausen sobre Bernd Alois Zimmermann, autor que creou un estilo individual e dificilmente etiquetable pola variedade dos seus métodos de composición a partir do serialismo, de citas musicais, de música medieval, barroca, clasicismo, jazz, pop…Bach (un dos seus concertos para óboe) e Beethoven ben puideran ter inspirado a este singular e vangardista compositor alemán.

CLEMENS
SCHULDT Director

Considerada unha das obras mestras de madurez e unha das súas últimas grandes obras importantes, Schumann compuxo o seu concerto para violoncello nun dos últimos produtivos períodos de felicidade que lle permitiu a súa enfermidade mental. Este concerto exemplifica a máxima de Schumann de fuxir da simple escritura virtuosísima para lucimento dos solistas e ir un pouco máis alá...

PAUL
DANIEL Director
GUILLERMO
PASTRANA Violoncello

Schumann asume protagonismo con senllas obras de madurez do gran mestre do Romanticismo. A última das súas catro sinfonías, rebautizada como “Renana” e que para moitos ten como referencia a Beethoven e a súa Quinta Sinfonía, culmina un concerto que ten outro poderoso foco digno de atención no terceiro e último concerto para violín que o francés Saint-Saëns dedicou ao virtuoso navarro Pablo de Sarasate.

MANUEL
HERNÁNDEZ SILVA Director
AMAURY
COEYTAUX Violín