Lugo, 1 de outubro de 2025
A Delegación da Xunta en Lugo acollerá este sábado, 4 de outubro, as I Xornadas Pedagóxicas de Arqueoloxía Lucense, organizadas polo departamento territorial da Consellería de Cultura, Lingua e Xuventude e dirixidas ao público en xeral, con acceso libre e gratuíto ata completar aforo.
Santiago de Compostela, 1 de outubro 2025
O secretario xeral da Lingua, Valentín García, enxalzou hoxe “o prestixio e importante contribución no fomento da lectura en galego” do Premio Narrativa Breve Repsol en Lingua Galega, cuxa gañadora desta XIX edición resultou ser Carmen V. Valiña coa obra A illa que supuraba sangue, tal e como se anunciou nun acto celebrado en Vigo, cidade elixida con motivo do 75º aniversario da Editorial Galaxia que cada ano publica a obra distinguida.
Santiago de Compostela, 1 de outubro de 2025
Vigo, 1 de outubro de 2025
A delegada territorial da Xunta de Galicia en Vigo, Ana Ortiz, participou este mércores na presentación do programa da terceira edición de “Música con V de Vigo (Musicav 2025)” e animou á cidadanía a asistir ao evento que se celebrará durante o presente mes de outubro. A representante autonómica destacou, xunto aos directores artísticos do evento, Javier Ferreiro e Rosanna Ojea, a calidade do evento e os prezos ao alcance de todos os públicos.
Santiago de Compostela, 1 de outubro de 2025
Os dous de sempre, única obra narrativa escrita por Castelao, contará cunha nova adaptación teatral a cargo do dúo cómico Mofa & Befa, formado por Evaristo Calvo e Víctor Mosqueira, baixo a dirección de Quico Cadaval. A última proposta de Producións Teatrais Excéntricas, que conta co apoio da Xunta de Galicia ao abeiro das axudas á creación escénica 2025, ultima estes días ensaios no Gaiás cara á súa estrea o vindeiro 17 de outubro en Rianxo, vila natal do autor.
A Coruña, 30 de setembro de 2025
A programación de outubro da Filmoteca de Galicia prestaralle unha especial atención á figura do cineasta Travis Wilkerson no marco da súa habitual colaboración co Festival Internacional de Cine da Coruña Intersección, que conta para o seu desenvolvemento cunha das subvencións da Xunta a certames audiovisuais. O artista estadounidense visitará a cidade os días 3 e 4 de outubro para presentar dúas destas sesións dedicadas á súa obra.
Barcelona, 30 de setembro de 2025
O conselleiro de Cultura, Lingua e Xuventude, José López Campos, considerou hoxe que a declaración de Patrimonio Mundial da candidatura Ribeira Sacra: Paisaxe da auga sería “o xusto recoñecemento ao seu excepcional valor cultural”. Así o aseverou na súa participación na Conferencia Mundial Sobre Políticas Culturas e Desenvolvemento sustentable Mondiacult, que está a celebrar a Unesco en Barcelona.
Santiago de Compostela, 30 de setembro de 2025
As obras Incidencia muller pedra, de AveLina Pérez, e O carteiro de Ximaraos, de Carlos Labraña, atópanse xa nas librarías como parte da colección Biblioteca Dramática Galega, na que a Xunta de Galicia e Edicións Xerais publican os textos recoñecidos cos premios Álvaro Cunqueiro para textos teatrais e Manuel María de literatura dramática infantil, convocados bienalmente pola Consellería de Cultura, Lingua e Xuventude.
Ferrol, 29 de setembro de 2025
A delegada territorial da Xunta en Ferrol, Martina Aneiros, asistiu esta tarde no Concello á presentación dos avances da candidatura Cidade de Ferrol: Porto da Ilustración a Patrimonio Mundial onde reiterou unha vez máis o compromiso do Goberno Galego “para que este proxecto acade o máximo recoñecemento do organismo internacional”.
A Xunta destina 115.000 euros á segunda fase da restauración da vivenda de Ben-Cho-Shey, onde o ilustre galeguista viviu durante dez anos. Así se anunciou hoxe no Consello da Xunta, onde se autorizou o acordo co Concello do Pereiro de Aguiar por un importe de 215.000 euros para levar a cabo as obras do inmoble e poñer en valor esta figura.
