Lugo, 3 de outubro de 2025
O festival internacional de maxia Galicia Ilusiona recala hoxe na cidade de Lugo coa colaboración da Xunta. Haberá dous pases, un ás 18:30 horas e o outro ás 21:00 h., ambos no auditorio Gustavo Freire.
Monforte de Lemos (Lugo), 3 outubro de 2025
O Foro internacional Territorios Patrimonio súmase ao impulso á candidatura da Ribeira Sacra para ser Patrimonio Mundial, que entrou xa na súa recta final. Con este propósito, centrarán nela a nova edición desta cita que se celebrará, co apoio da Xunta de Galicia, os días 28 e 29 de outubro, no parador de Monforte de Lemos, na provincia de Lugo.
Santiago de Compostela, 5 de outubro de 2025.- A Xunta de Galicia colabora con 22 proxectos editoriais para favorecer o acceso universal á lectura e a creación literaria a través das subvencións para a edición de audiolibros e libros de lectura fácil. Así se recolle na resolución desta liña de axudas con carácter plurianual para 2025 e 2026 que acaba de publicarse no Diario Oficial de Galicia.
O Museo do Mar de Galicia, en Vigo, acaba de pechar a exposición Viquingos. Unha ollada desde Galicia tras recibir 15.000 visitas. Trátase dun proxecto expositivo con carácter internacional que, desde o pasado mes de xuño, permitiu ao público descubrir a pegada que deixaron na nosa cultura as incursións dos pobos nórdicos ao longo da Idade Media.
Vigo, 3 de outubro de 2025
As últimas producións galegas de espectáculos de teatro e danza chegan a Vigo e a varios municipios da súa área metropolitana a través de 36 funcións programadas nos escenarios da Rede Galega de Teatros e Auditorios, o circuíto de exhibición de espectáculos cofinanciado entre a Xunta e 43 entidades locais asociadas. Así, neste último trimestre do ano o público gozará de 30 novos espectáculos na cidade olívica, Tui, Tomiño, Gondomar, Cangas e Redondela.
Santiago de Compostela, 3 de outubro de 2025
O secretario xeral da Lingua, Valentín García participou hoxe na presentación de Ser humanos, de Pilar Casal, coa que acadou o XXIII Premio Ramón Piñeiro de Ensaio, convocado pola Xunta de Galicia e a Editorial Galaxia co apoio de Caixa Rural Galega.
Santiago de Compostela, 2 de outubro de 2025
O escritor e profesor Xosé Miranda, coa obra As torres abolidas, fíxose esta tarde co XXIII Premio de Poesía Afundación, promovido por esta institución, a Xunta de Galicia e o Centro PEN Galicia. No fallo do certame estivo presente o director xeral de Cultura, Anxo M. Lorenzo, quen destacou a relevancia deste consolidado galardón na nosa axenda cultural para fomentar a produción poética en galego.
Ferrol, 2 de outubro de 2025
A Xunta acaba de rematar os traballos de escavación e consolidación arqueolóxica no Castro de Tralocastro, na parroquia ferrolá de San Xoán de Esmelle, “nos que investiu 25.000 euros e que permitirán deixar á vista partes dos importantes estruturas atopadas”. Así o salientou o conselleiro de Cultura, Lingua e Xuventude, José López Campos, na visita que realizou a este xacemento, acompañado pola delegada territorial do Goberno galego, Martina Aneiros.
Santiago de Compostela, 2 de outubro de 2025
A Xunta de Galicia acaba de poñer en marcha unha auditoría técnica que abranguerá a inspección de 47 espazos membros da Rede Galega de Teatros e Auditorios co obxectivo de acadar un inventario completo e actualizado de materiais e medios humanos dedicados a cada escenario. O obxectivo é que o documento resultante sirva de base para o futuro Plan de modernización das infraestruturas culturais e a progresiva adecuación ás últimas normativas de accesibilidade e seguridade.
Lugo, 1 de outubro de 2025
A Delegación da Xunta en Lugo acollerá este sábado, 4 de outubro, as I Xornadas Pedagóxicas de Arqueoloxía Lucense, organizadas polo departamento territorial da Consellería de Cultura, Lingua e Xuventude e dirixidas ao público en xeral, con acceso libre e gratuíto ata completar aforo.
