Evento: 3240

3240 podería ser o título dunha película de Wong Kar-Wai, a matrícula dun coche ou o contrasinal dunha caixa forte, por exemplo, pero en realidade é o prezo do amor. O amor por un mito.

Que pasaría se a persoa á que sempre admiraches se puxera en contacto contigo? Que farías por coñecela? Canto custa un litro de endorfimas?

No ano 2020 os delitos informáticos aumentaron o 70%, o equivalente aos cometidos nos 5 anos anteriores e esta é unha historia baseada en feitos reais sobre as relacións nas redes, a mitomanía, as obsesións e as estafas. Un relato gótico e romántico para falar da tecnoloxía e a soidade, do catfishing, o doxing e tódos INGs Direct aos que a protagonista lle debe cartos por culpa do amor. Axudaralle esta peza a recuperarse? Axúdala ti?