Evento: Festa da Romaxe das Cruces

Festa da Romaxe das Cruces
domingo, 5 xuño, 2022 - 11:00
Ribadeo,
Ribadeo

Festa da Romaxe das Cruces

Festa de Interés Turístico.

Celébrase o luns de Pentecoste.

No santuario de Nosa Señora das Virtudes na Ponte de Arante lévase a cabo unha das romaxes máis destacadas do Concello de Ribadeo, onde é costume bendicir os campos (para protexer as colleitas) e cantar rogativas, tradicións que datan do s. XV. Asemade, esta festa serve para conmemorar a batalla e vitoria dos veciños das sete parroquias contra o exército de Napoleón, pois neste mesmo lugar, aló polo ano 1809, desenvolveuse a loita entre os veciños e o exército de Napoleón.

O nome da romaría vén da asistencia dos veciños e veciñas de sete parroquias coas sete cruces: as de Arante, Ove, Cedofeita e Covelas do concello de Ribadeo e as de Vidal, A Valboa e Sante do concello de Trabada.

Destacado:

O momento máis vistoso desta celebración é o ritual dos pendóns e das cruces cando os portadores se colocan uns fronte aos outros e comezan a arriar varias veces. Logo, realízase o bandeo do pendón, un ritual que require de gran destreza, forza e precisión para que, indo paralelo ao chan, non chegue a tocalo.

Máis eventos de tipo Festa/Feira popular

Festas Patronais de San Lourenzo
9 de agosto a 15 de agosto
varios espazos
Feira dos Santos
30 de xaneiro a 1 de novembro
varios espazos
Festa da Lagosta e da cociña mariñeira
1 de xullo a 3 de xullo
varios espazos
A Rapa das Bestas de Sabucedo
1 de xullo a 4 de xullo
Curro de Sabucedo