Evento: Festa de Exaltación do Marisco

Festa de Exaltación do Marisco
xoves, 5 outubro, 2023 a domingo, 15 outubro, 2023
Varias localizaciones,
O Grove

Festa de Exaltación do Marisco

Degustación de todo tipo de preparados de marisco nos expositores do recinto feiral

Arredor da oferta gastronómica de luxo que se pode degustar en toda a localidade e nos expositores aliñados no peirao, O Grove programa unha festa con moitos alicientes, con concertos de recoñecidos intérpretes do panorama estatal e de grupos folk e o xa tradicional Certame de Habaneras, actuacións folclóricas, animación na rúa ou a regata de dornas.

A sona da Festa do Marisco chegou fóra de Galicia, e cada ano rexistra maior afluencia de visitantes, atraídos pola calidade e a variedade do produto gastronómico estrela das Rías Baixas. Nos expositores do recinto feiral, é posible coñecer e degustar todos eles, preparados seguindo as máis tradicionais receitas ou de xeitos innovadores. A ritmo frenético, desde a mañá ata a noite, despáchanse milleiros de racións: arroces de marisco, navallas á prancha, ameixas á mariñeira, lagostinos, ostras, vieiras ao forno… E, como compañía, a música de gaitas e os bailes folclóricos, que non cesan durante toda a festa. O acto protocolario da festa é a Gala de entrega das Centolas de Ouro, catro distincións que outorga o Concello do Grove a persoas e institucións que destaquen pola súa actividade vinculada ao Grove.

Máis eventos de tipo Festa/Feira popular

Fogueiras de San Xoán
23 de xuño
varios espazos
Romaría do Corpiño
23 de xuño a 24 de xuño
A Rapa das Bestas de Sabucedo
5 de xullo a 8 de xullo
Curro de Sabucedo
Festa da Lagosta e da cociña mariñeira
5 de xullo a 7 de xullo
varios espazos