Evento: N.E.V.E.R.M.O.R.E

N.E.V.E.R.M.O.R.E
venres, 2 xuño, 2023 - 20:30
Pazo da Cultura de Pontevedra,
Pontevedra
Espectáculo teatral a cargo de Chévere Producións

N.E.V.E.R.M.O.R.E. é a resposta indescifrable que o corvo do poema de Poe dá unha e outra vez ás preguntas dun home que perdeu o que máis quería. N.E.V.E.R.M.O.R.E. podería ser un S.O.S. emitido á desesperada no código internacional de sinais marítimos. Ou o acrónimo dunha gran corporación que sabe que hai sitios con xente que se poden sacrificar para que todo siga funcionando como ata agora. Ou simplemente un aviso do que estaba por vir.

Para nós N.E.V.E.R.M.O.R.E. é unha forma de acudir á memoria colectiva dun deses pobos que se poden borrar do mapa sen que pase nada. Un pobo que, así e todo, en decembro de 2002 fixo seu o berro do corvo e non se deixou convencer polas mentiras daqueles que aseguraban que non pasaba nada, que todo seguían sendo coma antes. Contar esta historia é tamén un conxuro para desfacer o feitizo que sigue rodeando a catástrofe do Prestige, convertida nunha metáfora estrañamente perfecta desa cultura do petróleo que nos impide ver que hai máis alá da catástrofe, coma se non puidésemos habitar outro lugar que non sexa ese.

Dirección: Xron

Elenco:Patricia de Lorenzo, Miguel de Lira, Manuel Cortés, Mónica García, Arantza Villar e Borja Fernández.

 

Máis eventos do ciclo Rede galega de teatros e auditorios

Gallaecia Small Band
21 de xuño, 19:30
Teatro da Beneficencia - Ortigueira - A Coruña
As minas do rei Salomón
22 de xuño, 19:00
Salón Teatro - Lalín - Pontevedra
Latas
22 de xuño, 20:30
Teatro Jofre - Ferrol - A Coruña
Liberar as arterias
22 de xuño, 22:00
San Xiao - Narón - A Coruña